'Nou đei lăng jĭ hơyak pơm jang kăp gĭt vă pơklaih tơnap tap, hơtŏk jang đei jơnei hăm dơnou mong đak Ia Mơr – hơbong pơnơ̆ đak tih hloh tơring Tây Nguyên. Tơdrong ming man kơyuơ Hơnih vei lăng Asong jang păng Ming man Pơnơ̆ đak 7 pơm tơm. Hla bar tơplih jang bri hlôi đei pơm kiơ̆ pơkăp đơ̆ng Luơ̆t 'Long bri păng dôm pơkăp đei tơrĕk; atŭm hăm noh tơ-'ngla iŏk ming man hlôi keh đang  tơdrong tơmơ̆t jên pơtăm bri pơtăl kiơ̆ tơchơ̆t tơlĕch.

Tơdrong jang dah hrôih keh đang pơnơ̆ đak klah đei lăng gô tơgŭm pơih să ăn tơdrong mong đak, iŏk jang đei jơnei dơnou đak Ia Mơr, tơgop vei sơđơ̆ng đak ruih ăn choh jang xa păng hơtŏk kơtang jang mŭk drăm – tơpôl tơ̆ tơring gah pơmơ̆t dêh char Gia Lai.