VOV4.Bahnar - Khei 11/2019, Đà Lạt - Lâm Đồng hơnơ\ng sơng đei 500.000 ‘nu tơmoi năm tơmang pơ hiơ\, ato\k măt bơngai tơmang pơ hiơ\ đơ\ng blu\ng sơnăm tru\h dang ei đei hlo\h 6.200.000 ‘nu bơngai, to\k 10% pơtêng hăm dôm khei au sơnăm sơ\. ‘Ngoăih rim tơdrong tơmang pơ hiơ\ joăt joe đơ\ng sơ\, tơmang pơ hiơ\ choh jang sa đei lăng jing tơdrong tơmang pơ hiơ\ hơvơn đei lơ tơmoi hlo\h, tơgop g^t kăl lơ\m ato\k tơ iung kơ an^h jang au. Hơnơ\ng kiơ\ yok trong hơ iă au, Đà Lạt – Lâm Đồng to\k bo\k pơtru\t kon pơlei cho\h jang sa păng rim an^h mơdro sa tơmơ\t jên jang ato\k tơ iung tơmang pơ hiơ\ cho\h jang sa.

Tơgoăt ato\k tơ iung tơmang pơ hiơ\ hăm cho\h jang sa kmăi kmo\k to\k bo\k đei hơyak pran kơ Đà Lạt - Lâm Đồng

Yak hơdoi hăm boăl vang năm tơmang pơ hiơ\ tơ\ m^nh an6h cho\h jang sa tơ\ phương 7, pơlei tơm Đà Lạt (Lâm Đồng), mo\ Nguyễn Thị Lan Hương, tơmoi đơ\ng dêh char Bình Thuận akhan, ư\h kơ đei yă kiơ hơ iă hlo\h pơtêng hăm kơ d^h bơ\n chă phe\, chă sa m^nh [ar kơ loăi ‘nhot, [um, plei kơtă tơ\ mir pơgar hloi. Hăm mo\, ‘nau jing m^nh ‘măng iung năm tơmang pơ hiơ\ tôch hơ iă hlo\h, đei chă jang hloi păng pơm ăn jơhngơ\m đon bơ\n ư\h kơ lai yơ hiơt: “&nh tôch kơ ‘me\h năm tơ\ au, chă tơmang lăng cham char tôch kơ ‘lơ\ng, ‘nhot plei ‘long tôch rơgo\h, ư\h kơ đei [o#h đe chă pruih pơgang yă kiơ ôh. Păng mư\h kơ d^h ba chă phe\, chă sa kơtă tơ\ mir pơgar hloi ‘no\h hơ iă dêh”.

Găh hăm tơmoi Trần Đăng, đơ\ng Bình Dương, ‘nau ‘măng mă 4 sư năm tơ\ Đà Lạt – Lâm Đồng vă tơmang pơ hiơ\ păng pơdơ\h pơdei. ‘Nho\ng tơbăt, mư\h đ^ joăt hăm tơmang pơ hiơ\ chơkơi Prenn, chơkơi Datanla, dơnau Than thở, Thung lũng tình yêu, Đồi mộng mơ, Pơgar pơkao pơlei tơm …, tơdrong chă tơmang lăng an6h hle nhen tơmang lăng cho\h jang sa ‘no\h jing tơdrong hơ iă dêh. Vang chă cho\h jang sa hloi, đei tơ [ơ\p păng mơ\ng kon pơlei cho\h jang sa tơroi tơbăt găh trong jang chă pơtăm, vei lăng, pơjing đei tơmam drăm cho\h jang sa rơgo\h ‘lơ\ng ‘no\h m^nh tơdrong tôch hơ iă hlo\h. “Năm tơ\ Đà Lạt mă năm tơmang lăng dôm pơgar đei ‘long sa plei ‘lơ\ng nhen lơ lau ‘no\h ba hơ iă dêh. Cham char tơ\ au tôch kơ ‘lơ\ng. Kon pơlei dăh mă tơngla an^h jang tơmang pơ hiơ\ jei tôch phăl hơlăng, tơroi tơbăt ăn rim bơngai băt hơdăh ‘long pơtăm tơ\ au chă jang sa lơ liơ”

Kiơ\ kơ [ok Vương Đình Thi, tơngla Mir pơgar să pơtăm pơmur tây tơ\ phương 8, pơlei tơm Đà Lạt, dêh char Lâm Đồng, sơ\ tơdrong chă sơng hơvơn tơmoi mơ\t ngôi lơ\m mir pơgar ‘no\h lăp kiơ\ kơ d^h kơ u\nh hnam đe\ch.

 Kơ yuơ lơ lo\h găh lơ an^h tru\h jei ư\h sơđơ\ng găh trong nơnăm, an6h oei sa, tru\h hloi bơ\n ‘nhot, [um plei jei ư\h kơ lơ păng ư\h kơ gan ‘lơ\ng. Đơ\ng mă kơdră tơring tơ iung pơjing tơdrong jang păng pơtru\t, pơtho tơbăt, tơgu\m djru kon pơlei vang jang tơdrong jang tơmang pơ hiơ\ cho\h jang sa ‘no\h tơdrong lăng tông nông gia ăn tơmoi tơmang pơ hiơ\ đei hơ iă [iơ\, đei jơnei hlo\h. “Trong jang au to\k bo\k đei rơvơn ato\k tơ iung  păng tơdrong tơmoi ‘me\h vă năm tơmang pơ hiơ\ jei tôch kơ lơ. Đe sư ‘me\h năm hloi tơ\ mir pơgar vă chă phe\ bơ\n plei pơmur, phe\ pro preng, dăh mă chă kăt pơkao ‘nhot súp-lơ, ‘nhot bó xôi, ‘nhot vitamin, chă kăt phe\ kơtă tơ\ pơgar kơna đe sư tôch kơ lăp. Nhôn jei ‘me\h vă pơm pơ ‘lơ\ng [rư\ [rư\ ‘moi kiơ\ hơyak ato\k tơ iung tơmang pơ hiơ\ ‘lơ\ng păng cho\h jang sa hăm kmăi kmo\k hơgei tơ klep tơgoăt d^h băl vă pơjing hơ iă hlo\h dơ\ng ăn tơmoi”.

Yă Nguyễn Thị Bích Ngọc, Kơ ie\ng Kơdră che\p pơgơ\r Dơno\ an^h vei lăng Jo\h ayo\ kơdo\ soang, Đă [o\ng lo\ng tơplo\ng kơdau păng Tơmang pơhiơ\ dêh char Lâm Đồng tơbăt, dang ei tơdrong ‘me\h vă tơmang pơ hiơ\ kơ tơmoi hăm tơdrong tơmang pơ hiơ\ cho\h jang sa roi năr roi kơtang. An^h bơ\ jang tơmang pơ hiơ\ dêh char Lâm Đồng to\k bo\k hơnơ\ng pơtru\t kon pơlei păng rim an^h mơdro sa lơ\m dêh char tơmơ\t jên jang vă ato\k tơ iung kiơ\ trong kơ jăp ‘lơ\ng. “Mư\h anăn tơmang pơ hiơ\ cho\h jang sa đei pơjing ‘no\h hơyak blu\ng rim an^h đei drơ\ng nơ\r jei đei tơmoi năm tơmang, đei ‘măng lơ an^h te\ch ve\ ăn năm tơmang lăng đei io\k yua lơ hlo\h kơ te\ch tơmam drăm. Nhôn to\k bo\k ato\k kơtang bơ\ jang tơroi tơbăt păng yak hơdoi hăm rim an^h, khu\l jang, rim bơngai ato\k kơtang ba tơmang pơ hiơ\ ‘lơ\ng hơ iă kơ rim an^h tơmang pơ hiơ\ cho\h jang sa hlôi đei drơ\ng nơ\r ăn jang”.

Đơ\ng ro\ng vă je# 3 sơnăm pơ pro\ păng ato\k tơ iung, tru\h dang ei Đà Lạt – Lâm Đồng hlôi đei hlo\h 30 an^h tơmang pơ hiơ\ cho\h jang sa đei [ơk ăn hla bơar drơ\ng nơ\r ‘lơ\ng gơ\h jang ăn tơmang pơ hiơ\, hlo\h 10 an^h anai to\k bo\k tơmơ\t jên jang ming hơmet. Tơdrong lăng kơ jăp păng pơjing rơvơn ăn tơdrong tơmang pơ hiơ\ cho\h jang sa hơvơn tơmoi tơmang pơ hiơ\ hlôi pơjing đei lơ trong tơmang pơ hiơ\, tơgop hơnhăk tơmang pơ hiơ\ - an^h jang mu\k drăm tơm dơnơm kơ Đà Lạt dêh char Lâm Đồng ato\k tơ iung kơtang hlo\h dơ\ng.

Bơngai ch^h: Quang Sáng

Tơblơ\ nơ\r: Amazưt