VOV4.Bahnar  -  Dôm năr Têt âu ki, pơ lei pơ la tơ ring groi kông lai yơ ku\m chơt hơ iă ‘nă hal. ‘Năr to\ hlăng ‘lơ\ng jâp jang tơ ring, roi pơm ăn bri kông Tây Nguyên ‘lơ\ng ro\ hlo\h dơ\ng. Đak krong Sê San chơng ba tơ drong rơ nguơ\ găh jơ hngâm hưch đơ\ng linh mơ lôh hăm hơ druh bơ ngai kon kông; tơ drong hưch băl ưh đei jo# “bơ ngai đơ\ng yơ, hơ dre\ch kiơ” tơ\ tơ ring sơ lam.

Pơ yan phang ku\m jing pơ yan pơ gơ\r lơ tơ drong et soi, dôm hơ dre\ch kon kông Tây Nguyên gơ\t le# ‘mơ\i tơ drong cho\h jang chu\n mir rim năr, truh pơ chơt hăm tơ drong tôn ch^ng chêng, hơ ri hơ xoang tôch kơ chơt.

Sơ năm ‘nao truh, kon pơ lei Jarai tơ\ plei Dut, xăh Ialâu, apu\ng Chư Prông, dêh char Gia Lai [ôh tôch kơ lăp đon. Têt ‘nâu lơ\m plei rim hnam đei phe xa [a xo\ng ngăl. Dôm năr vă truh Têt, đe linh đơ\ng kơ Đông Ya Lốp, An^h che\p kơ\l pơ gơ\r khul linh [ô đo#i vei lăng tơ ring sơ lam dêh char Gia Lai ku\m hăm khul linh tơ\ tơ ring tơ ge\ch jur tơ gu\m ăn  kon pơ lei pơm hơ met hnam, pơm Têt. Sơ năm ‘nâu, klo kăn [ok A Zet tơ\ plei Dut hơ met Têt đei tôm tơ mam [iơ\ pơ têng hăm sơ năm sơ\. Hnam [ok ‘nao ro# [um păng ke\ch đang [a mir, vă je# truh têt đei dơ\ng an^h jang kơ pal, khul gru\p truh ngôi, asong tơ mam kơ na đei dơ\ng jên vă pơ chơt Têt. “Sơ năm truh vă adrin jang xa, kho\m jang đei lơ [iơ\, ho\k pơ răm lơ [iơ\, kiơ\ Đảng, kiơ\ Te\h đak, jang kiơ\ luât, ưh đei mơ\ng nơ\r lu bơ ngai kơ ne# pơ hlu\.”

Pơ yan phang ‘nâu, dôm pơ lei pơ la tơ\ tơ ring sơ lam roi hơ iă hlo\h dơ\ng mưh lơ kăn [o#, linh đơ\ng khul linh Quân khu 5 truh ngôi tơ\ groi kông Tây Nguyên xa têt hăm kon pơ lei. Đơ\ng hơ drol kơ têt, Sư đoàn 2, khul linh tơ blăh tơm kơ Quân khu 5 oei tơ\ thị xăh An Khê, dêh char Gia Lai ăn rơ bâu ‘nu kăn [o#, linh năm truh tơ\ tơ ring atăih yăih kơ 2 dêh char Gia Lai păng Dak Lak tơ gu\m ăn kon pơ lei pơm hơ met hnam, ro# [um, kăt yoă [a, chong, puih cham char vă sơng xa Têt. Đại tá Lê Ngọc Nam, Chính ủy Sư đoàn 2 tơ roi: Khul linh tơ le\ch vă je# 100 triu đơ\ng An^h mong jên “Bo#i phe yoa bơ ngai tơ nuh” vă hơ păh tơ mam Têt ăn dôm u\nh hnam tơ nuh, u\nh hnam linh erih xa mơ mat tat: “Bơ\ jang kiơ\ trong “oei xa, so\ng xa hơ dai” hăm kon pơ lei, pơ gơ\r xa têt, ngôi pơ chơt ăn đe linh ku\m hăm kon pơ lei tơ\ tơ ring. Tơ drong ‘mêm băl đơ\ng kăn [o#, linh Sư đoàn hăm kon pơ lei kon kông tơ\ Tây Nguyên đei nhôn vei kơ jăp. Yoa thoi no\h kon pơ lei păng khul kơ dră tơ ring apinh Quân khu, apinh Sư đoàn ăn khul linh jur oei xa, so\ng xa hơ dai hăm kon pơ lei lơ\m năr Têt âu.”

Hơ tuch sơ năm, lơ tơ mam đơ\ng An^h che\p kơ\l khul linh Quân khu 5 hơ păh ăn kon pơ lei hlôi hơ nhăk ba pơ yan phang truh hrôih tơ\ tơ ring sơ lam. Kăn [o#, linh Đại đội 189 oei tơ\ apu\ng Đăk Glei, dêh char Kon Tum oei pơm têt, pơ tăm rong ‘long pơ ro\ le\ch pơ kao tro\ năr Têt. Tơ\ kơ măng, đe ‘nho\ng o\h ngôi hơ dai re\h kơ tar, hơ ri pơ chơt. Tơ drong erih xa hiôk chơt, [e\nh jơ hngâm ‘mêm băl tơ\ tơ ring sơ lam pơm ăn đe linh mơ lôh da [iơ\ kơ rơ nguơ\ tơ\ hnam. Thượng úy Hà Sỹ Thiều, Chính trị viên Đại đội 189, An^h che\p kơ\l pơ gơ\r khul linh dêh char Gia Lai tơ roi, an^h đe sư pơm kơ đông te\h tôch kơ ne# kơ na ‘nho\ng o\h klăih sơng băl chơ te\h [rê tuh tơ\ kơ pal vă pơ tăm ‘nhot, rong nhu\ng, rơ mo,.... đei tơ mam xo\ng xa. Têt ‘nâu, khul linh te\h nhu\ng vă ăn đe kăn [o#, linh so\ng xa hơ doi: “{ât Têt, kơ đông pơ gơ\r ăn kăn [o#, linh sơng xa têt ưh đei hiơt tơ drong jang, pơ gơ\r ngôi pơ chơt năr Têt hăm lơ tơ drong, đă [o\ng lo\ng, tơ plo\ng kơ dâu, hơ ri hơ xoang.

Tơ ring sơ lam Tây Nguyên, an^h đei năng j^ tơ ring tôch g^t kăl kơ te\h đak, dôm sơ năm tơ je# âu, kon pơ lei roi đunh roi kơ drâm. Adrol sơ\, kăn [o#, linh năm đơ\ng kơ đông jur tơ\ pơ lei pơ la kơ te\ch 1 puăt năr yak trong, mă lei hrei ‘nâu trong pơm ‘lơ\ng, gre kơ dâu hiôk lăp dang 1 jơ ‘no\h jur truh tơ\ pơ lei kon kông bơih. Đại tá Võ Thanh Chín, Kơ dră An^h che\p kơ\l pơ gơ\r khul linh dêh char Kon Tum tơ roi, kơ dră pơ gơ\r khul linh athei kơ hre\ng ‘nu kăn [o#, linh năm tơ\ jâp pơ lei groi kông bơ\ jang krao hơ vơn kon pơ lei, sơng xa têt hăm kon pơ lei: “Hrei ‘nâu tơ\ tơ ring sơ lam kơ dêh char Kon Tum tơ ter hăm Attapeu (Lào) păng Ratanakari (Cam-pu-chia) dôm khul linh ku\m hăm đe linh vei lăng tơ ring sơ lam, dân quân păng khul linh nai vang dăr joang, vei lăng ‘lơ\ng tơ drong sơ đơ\ng tơ\ trong sơ lam. Hăm đe kăn [o#, linh jur xa Têt hăm kon pơ lei, io\k đei tơ drong tơ gu\m đơ\ng kơ pal, 1 khul đơ\ng 3 - 6 triu, răt hơ păh tơ mam ăn u\nh hnam đei ko\ng, pơ gơ\r ngôi pơ chơt năr Têt hăm kon pơ lei.”

M^nh pơ yan phang dơ\ng vih hăm tơ ring groi kông Tây Nguyên. Tơ ring sơ lam hơ nơ\ng [ôh tơ pang jâng tơ moi “năm chă nơ\r pơ lung măt ‘năr”, vang ha [ơ\r hơ ri kơ 1 bruh hăm kon pơ lei Rađe, M’Nông, hơ ri kơ “Hơ druh măt ‘năr”.

Hoài Nam-VOV chih:

Dơng-Tơ blơ\