VOV4.Bahnar - Pơ gê 26/9, Khul druh dăm Công an dêh char Dak Lak jang hơ doi hăm dôm anih tơ gŭm truh hơ pong păng asong tơ mam ăn dôm anih tang găn jĭ blŭng a. Khul truh hơ pong păng pơ jao 200 tơ pu tơ mam xa, pơ gang păng dôm tơ mam yoa kăl ăn công an thĭ xăh Buôn Hồ păng kon pơ lei mơ mat tat tơ̆ thĭ xăh.

Công an dêh char Dak Lak hơ păh tơ mam ăn dôm anih gak tang găn jĭ Covid-19

Mĭnh tơ pu tơ mam đei kơ jă dang 1 triu hlak jên, đei 5 kĭ phe, đak kho, đak măm, đak tŏh, pơ gang, che gom, đak ôp nĕnh, sơ ƀŏng ƀôt, ‘nhot, plei ‘long, kơ tăp iĕr păng ka. Kŭm hăm ‘nŏh, khul oei truh ngôi păng hơ păh kơ hrĕng blăh hơ băn ao vei lăng hơ kâu jăn, che gom, đak pơ gang ôp ti, tơ mam xa păng đak nhă ăn đe kăn ƀô̆, linh păng bơ ngai jang oei bơ̆ jang tơ̆ hnam pơ gang thĭ xăh Buôn Hồ, công an apŭng Krông Buk păng dôm anih tang găn jĭ kơ xăh Pơng Đrang (Krông Buk) păng xăh Ea Hồ (Krông Năng).

Dơ̆ng: Tơ blơ̆