VOV4.Bahnar - Tơ\ hơ năp tơ drong krê hơ mơt đơ\ng j^ Covid 19, yak hlo\h dôm tơ drong mơ mat tat, Công ty Nhôm Dak Nông đei lơ trong tơ gu\m vei lăng năng tông truh tơ\ bơ ngai jang. Ưh lăp tơ gu\m ăn bơ ngai jang đei tơ drong jang păng jên khei sơ đơ\ng đe\ch, công ty oei tơ le\ch lơ trong jang pơ gang tơ gu\m ăn bơ ngai jang sơ đơ\ng jơ hngâm bơ\ jang.

Ku\m nhen lơ bơ ngai jang nai đơ\ng Công ty Nhôm Dak Nông, ‘nho\ng Bùi Văn Thiều, (oei tơ\ xăh Nhân Cơ, apu\ng Dak Rlấp) công nhân tơ\ Hnam kơ măy pơm krăl tơ mam [ôh tôch hơ iă yoa Công ty oei vei lăng tơ drong jang păng jên khei ăn bơ ngai jang. ‘Nho\ng Bùi Văn Thiều ăn tơ băt, ưh lăp vei sơ đơ\ng tơ drong jang păng jên khei đe\ch, công ty oei bơ\ jang ‘lơ\ng tơ drong tang găn j^ Covid-19, tơ gu\m ăn bơ ngai jang sơ đơ\ng jơ hngâm mưh bơ\ jang.

“ Adrol vă mât tơ\ công ty nhôn đei pơ to\ hơ len hơ yuh hơ kâu jăn, ôp ti hăm đak pơ gang, mưh mât truh tơ\ hnam kơ măy athei ôp ti dơ\ng adrol vă pơ lơ\h băl io\k jang. Lơ\m tơ drong jang nhôn hơ nơ\ng gom muh măt, hru\k hơ băn ao vei lăng hơ kâu jăn ‘mơ\i mă gơ\h tơ [âp, jang je# băl”.

Công ty Nhôm Dak Nông oei vei kơ jăp tơdrong jang xa păng tang găn j^ Covid-19

Ưh lăp lơ\m khei ‘năr đei j^ Covid-19 đe\ch, mă rim sơ năm, lơ\m dôm ‘măng lêh, têt dăh mă đei công nhân j^ jăn, pơ\k rơ ka, Công ty Nhôm Dak Nông hơ nơ\ng pơ gơ\r hơ păh tơ mam, truh ngôi păng tơ gu\m 70% jên khei lơ\m khei ‘năr hơ met j^. Pơ tih gia nhen ‘nho\ng Trịnh Đình Tuyền, bơ\ jang tơ\ An^h pơ gơ\r jang, pơ\k rơ ka [ât oei bơ\ jang, ti tu\l, athei pơ dơ\h jang hlo\h 1 sơ năm. ‘Nho\ng Tuyền pơ ma: lơ\m khei ‘năr pơ dơ\h yoa đơ\ng pơ\k rơ ka, ‘nho\ng [ôh tôch pơ ngơ\t, ưh hiôk jơ hngâm, mă lei, đei kơ dră che\p kơ\l công ty pơ ngơ\t, Khul kơ dră che\p kơ\l Công đoàn tơ gu\m, pơm ăn ‘nho\ng [ôh hiôk jơ hngâm [iơ\.

“Găh tơ drong tơ gu\m đơ\ng công ty hăm bơ ngai jang ‘no\h rim tơ drong tơ gu\m công ty pơm kiơ\ luơ\t păng trong tơ gu\m đơ\ng te\h đak ngăl. Yoa thoi no\h dôm tơ drong đei [ơm truh [ao hiêm, tơ drong tơ gu\m ăn bơ ngai jang păng dôm tơ drong đei yoa nai inh [ôh đei tôm ngăl păng tơ gu\m tơ tom ‘năi. Đei bơ\ jang tơ\ an^h thoi no\h inh [ôh tôch pu\n”.

Công ty Nhôm Dak Nông - TKV dang ei đei hlo\h 1.100 ‘nu kăn [o#, công nhân, bơ ngai jang. {ok Nguyễn Văn Hiếu, Kơ dră che\p kơ\l Công đoàn công ty pơ ma hơ dăh: bơ ngai jang j^ jơ hngâm pran vă công ty jang to\k sơ đơ\ng, dơ\ng kơ jăp. Hăm hơ năp jang đơ\ng kơ dih, Công đoàn hơ nơ\ng tơ iung tơ drong vei lăng năng tông truh tơ drong arih xa, dơ\ng tang, vei lăng tơ drong đei yoa tro\ luơ\t, tôch tơ găl ăn công nhân. Tơ\ hơ năp tơ drong krê hơ mơt đơ\ng j^ Covid 19, Công đoàn Công ty ku\m đei lơ trong jang vă vei lăng ‘lơ\ng hlo\h jơ hngâm pran ăn bơ ngai jang:

“An^h nhôn pơ jing lơ khul gru\p, tơ le\ch lơ nơ\r tơ tă tơ\ pano, áp phích vă tang găn j^ Covid kơ tă tơ\ an^h jang. ‘Ngoăih kơ ‘no\h, nhôn oei pơ gơ\r hơ met jơ so\ng xa vă huei ako\m kơ drâm bơ ngai; pơm lơ an^h so\ng xa. Pơ gơ\r roi tơ băt găh tơ drong răt che gom muh măt păng đak pơ gang pơ lôch pơ rang j^ truh rim hnam kơ măy vă ăn bơ ngai bơ\ jang”.

Tơ mam Alumin đei tăh hơ met lơ\m [ao mưh te\ch tơ\ te\h đak đe

{ok Nguyễn Bá Phong, Pho\ Kơ dră che\p kơ\l Công ty Nhôm Dak Nông – TKV ăn tơ băt, công ty bơ\ jang hăm 2 tơ drong tơm ‘no\h kơ chăng bơ\ jang dôm trong tang găn j^ hai, vei lăng ‘lơ\ng tơ drong jang xa hai. Đơ\ng blu\ng sơ năm truh dang ei, công ty hlôi jang ‘lơ\ng trong jang đei tơ le\ch lơ\m sơ năm hăm tơ drong te\ch mơ dro tơ\ te\h đak đe truh 177 rơ bâu tân Alumin. Yoa thoi no\h, mă đơ\ng tơ [âp lơ mơ mat tat yoa đơ\ng j^ Covid -19, mă lei Công ty hlôi tom hơ met ming, vei lăng sơ đơ\ng jên khei ăn kăn [o#, bơ ngai jang.  

“Lơ\m khei ‘năr âu ki, tơ drong j^ ku\m [ơm kơ ne# truh tơ drong jang xa, mă loi j^ hăm dôm tơ mam răt io\k đơ\ng te\h đak đe. Kơ lih thoi no\h mă công ty kơ chăng jang hơ doi hăm dôm an^h te\ch mơ dro vă răt io\k tôm tơ mam păng pơ truh tơ tom ăn tơ drong jang xa pơm lăp hăm nơ\r hơ găt. J^ Covid mă tơ pă ưh đei lơ\m trong tơ dra hơ drol đơ\ng nhôn, mă lei lăng kiơ\ tơ drong đei tơ\ yăn âu mă nhôn tơ le\ch trong jang, lơ\m no\h nhôn hơ met tôm tơ mam, che gom, đak ôp ti, pruih pơ gang pơ lôch pơ rang j^, hơ met tôm tơ mam ăn công nhân vă tang găn j^.”

{ât mă lơ an^h te\ch mơ dro tơ\ Tây Nguyên pơ ma atu\m păng lơ\m te\h đak pơ ma adro# athei tang ‘măng yoa [ơm kơ ne# đơ\ng j^ Covid -19, [ơm ưh ‘lơ\ng truh jên khei bơ ngai jang, ‘no\h Công ty Nhôm Dak Nông oei vei lăng ‘lơ\ng tơ drong jang xa, vei sơ đơ\ng tơ drong jang ăn hlo\h 1.000 ‘nu bơ ngai jang tơ\ tơ ring.

Hoàng Qui: Chih

Dơ\ng: Tơ blơ\