VOV4.Bahnar - ‘Nao âu, Anih vei lăng kon pơlei dêh char Lâm Đồng đei hla bar pơkăl Anih jang Nội vụ păng Anih pơtho pơhrăm dêh char io\k jang hloi hăm cử nhân Ma Hiêng, bngai hơdrung Chu Ru, ‘nao ho\k đang Đại học Đà Lạt, vih bơ\ jang tơ\ Hnam trưng Dân Tộc nội dêh char. Tơchơ\t đơ\ng jơnu\m pơgơ\r dêh char ăn [ôh tơdrong pôk kăp g^t ăn sinh viên bngai kon kông ho\k đang Đại học hăm tơdrong ho\k rơgei. ‘Nâu jing tơdrong đei jơnei mă kơdih po cử nhân Ma Hiêng pơma adro#, sinh viên kon kông tơ\ Lâm Đồng pơma atu\m, đei jơnei đơ\ng ro\ng kơ dôm khei năr adrin yak hloh tơnap tap tơ\ hnam trưng phôh tho\ng păng lơ\mhnam trưng Đại học. Adrol kơ noh, Ma Hiêng pơlong jơnei kjung khối C Đại học Đà Lạt (ăh xơnăm ho\k 2011) păng ho\k đang Đại học kơloăi rơgei ăh xơnăm 2015 âu.

Ma Hiêng rơneh păng tih vơ\ lơ\m minh unh hnam hin dơnuh tơ\ xăh Tà Năng, apu\ng Đức Trọng, Lâm Đồng, păng jing bngai adro# lơ\m 5 ‘nho\ng pơmai oh đei ho\k pơhrăm tơnăp. Băt hơdăh tơdrong tơgu\m noh, lơ\m 12 xơnăm ho\k phôh tho\ng, Ma Hiêng adoi đei io\k xkơ\t hơnăn ho\k tro rơgei. Ho\k lăm 12, xư đei jơnei mă 3 ho\k tro rơgei môn Lịch sử lơ\m dêh char, đei io\k jơnei pơtru\t jơhngơ\m găh môn văn ‘măn ăn ho\k tro dôm hnam trưng Trung học phổ thông dân tộc nội trú kơ ja#p teh đak. ‘Ngoaih kơ noh, Ma Hiêng oei jang bí thư chi đoàn kơ lăm ho\k, jang tơgu\m ăn anih jang thường vụ Đoàn hnam trưng.

Hơto\k minh hơyak, xơnăm 2011, Ma Hiêng ‘nhăk tơdrong ang hơdăh ăn kon pơlei Churu tơ\ Lâm Đồng [ơ\t jing bngai Churu mă blu\ng đei io\k hơnăn thủ khoa khối C hnam trưng Đại học Đà Lạt. Hăm tơdrong đei jơnei kjung, Ma Hiêng  tenh kuăng đei io\k tơdrong tơgu\m đơ\ng Jơnu\m pơgơ\r dêh char Lâm Đồng hăm jên ho\k axong tôm lơ\m 4 xơnăm ho\k.

Ma Hiêng tơroi: “Đơ\ng ro\ng kơ pơlong đang  đại học noh inh kiơ\ dôm bngai lơ\m pơlei năm tơ\ pơlei Ma Nới, apu\ng Ninh Sơn (Ninh Thuận) năm pe\ tơh ăn kơ đe. Tơ\ noh, ưh kơ đei gơh krao điện thoăi noh inh ưh kơ băt kiơ hloi. Truh ăh khul chih kơtơ\ng ang năm tơchă truh noh inh pơtơm băt inh đa#u đại học”.

Kiơ\ Ma Hiêng,  tơdrong mă jing thủ khoa kơ ‘măng pơlong đại học, đei dêh char axong ăn jên ho\k, mă jing tơdrong tih, mă lei duh đei lơ tơdrong hrat, pơm ăn kơ ba athei adrin hloh, vă ho\k tơnăp rơgei hloh vă mă tơgăl.

Hăm đon kơche\ng păng tơdrong hơpơi thoi noh, Ma Hiêng hlôi ho\k đang  đại học hăm [ăng xkơ\t ho\k rơgei. Ưh kơ adro# thoi noh, sinh viên hơdruh Churu âu oei jing kang [o# jang Đoàn bơ\ jang tơnăp, hơnơ\ng yuk trong hơlâu lơ\m dôm tơdrong jang kơ hnam trưng. Adrol kơ ho\k đang, Ma Hiêng hlôi đei hnam trưng  Đại học Đà Lạt xkơ\t hơnăn sinh viên 5 tơdrong ‘lơ\ng.  

Tơnap tap tih tên hloh hăm Ma Hiêng ưh kơ x^ yak hloh tơnap tap ho\k rơgei mă ăh apinh tơdrong jang [ơ\t ho\k đang, kơlih ăh ho\k đang noh ăh khei Anih pơtho pơhrăm Lâm Đồng pă đei xkơ\t io\k bngai jang. 

Ma Hiêng ăn tơbăt, [ơ\t doh inh lao đon păng kơche\ng: “7 xơnăm đei teh đak axong ăn jên ho\k tơ\ hnam trưng dân tộc nội trú, 4 xơnăm đei dêh char rong vă ho\k Đại học, noh hoach hoh đe\ch. Hơbo\ ăn inh ‘măn bằng Đại học xkơ\t rơgei lơ\m kơtuh, vih tơ\ pơlei pơla jang mir na dăh mă năm pe\ tơh ăn kơ đe đe\ch bơih”.

Kơche\ng găh tơdrong hoach hoh noh, Ma Hiêng chih kơthơ ăn anih jang kơ dêh char Lâm Đồng, tơroi dôm tơdrong kơche\ng po. Atu\m hăm noh, ‘meh vă đei ‘nhăk tơdrong hlôh vao po plang ăn Anih jang pơtho pơhrăn.

Năr 22/7 âu ki, lơ\m ‘măng hop ako\m, Anih juăt jang kơ dêh char Lâm Đồng hlôi tơbang kơthơ chih pơtruh đơ\ng Ma Hiêng vă pơđăp păng drơ\ng nơ\r xkơ\t ăn Ma Hiêng mơ\t jang tơ\ Anih jang pơtho pơhrăm dêh char. Năr 5/8, kdră anih jang dêh char Lâm Đồng hlôi k^ hla bar pơjao ăn Anih jang Nội vụ jang atu\m hăm Anih pơtho pơhrăm dêh char: “Tenh kuăng keh đang hla bar io\k jang (mă ưh kơ kăl pơlong mơ\t jang) păng xkơ\t ăn Ma Hiêng pơtho tơ\ hnam trưng Dân tộc nội trú dêh char adrol kơ pơtơm mơ\t ho\k xơnăm ho\k 2015-2016”.

Che\p hla bar xkơ\t lơ\m ti, Ma Hiêng tơroi: “Inh lao đon tôch dêh mă lei inh adoi oei đei đon lui, păng đon lui noh hlôi jing tơpă, inh hlôi đei io\k mơ\t jang lơ\m Anih jang pơtho pơhrăm nhen tơdrong ‘meh vă po. Mă lei âu pơtơm jing hơyak mă blu\ng đe\ch. Inh duh oei athei pơtoi yak hloh tơnap tap vă adrin jing bngai pơtho rơgei, pơm tro\ tơdrong lui ngeh đơ\ng thây kô pơtho, đơ\ng unh hnam, tơdrong pôk pơ ư đơ\ng Jơnu\m pơgơ\r Đảng păng Jơnu\m pơgơ\r tơring”.

Lan chih păng rapor