VOV4.Bahnar - Đơ\ng ro\ng kơ dôm an^h jang kơ pal dêh char Lâm Đồng păng pơ lei tơm (plt) Đà Lạt bơ\ jang tôch kơ tang vă găn đ^ “bơ ngai” chă dui hor, pơ go\ đe răt tơ mam ‘no\h tơ\ Đà Lạt đei [ôh tơ drong ‘nâu roi jur [iơ\. Mă lei, khei ‘năr tơ je# âu tơ drong dui hor tơ moi chă tơ mam lăng răt tơ mam đei hơ lơ\k dơ\ng, pơm tơ hiong tơ drong sơ đơ\ng, ble\k, lao đon hăm tơ moi mưh truh tơ\ pơ lei tơm pơ kao âu.

Thu\ng thong tơ hưch j^ 1 lơ\m dôm an^h chă tơ mang ‘lơ\ng, ưh biơh lon đơ\ng lơ bơ ngai chă tơ mang lăng mưh truh hăm Đà Lạt. ‘Nâu ku\m jing an^h đei lơ bơ ngai chă dui hor, pơ go\ đe răt io\k tơ mam tôch dêh hai. {ôh gre chơ tơ moi, gre hon đa đơ\ng dêh char nai truh, đe tơ dăm hăt hot druh kiơ\, jet gia pơ ma nuh, dui hor đe. Tơ dăh tơ moi oei ngơ\t ngơ\l, "bơ ngai chă dui hor đe" chro ăn hla ar chih tơ băt đơ\ng pơ gar pơ tăm yâu vă kơ đe lui. Hăm dôm tơ drong pơ ma pơ ve\r, pơ lung pơ le đe răt yâu tây, mưt dâu kơ jă re\h dăh mă năm tơ mang lăng tơ\ pơ gar yâu tây ưh huach jên, lơ bơ ngai jing put kiơ\ păng pu\ io\k tơ drong ble\k lơ\m jơ hngâm.

Tơ\ Thu\ng thong tơ hưch lơ "bơ ngai dui hor đei" pơm ăn tơ moi ưh hơ iă

‘Nho\ng Nguyễn Văn Tào, 1 ‘nu bơ ngai truh đơ\ng Nghệ An ăn tơ băt, adrol kơ mât tơ\ Đà Lạt, ‘nho\ng chă ap^nh hơ len lơ bôl boăl păng pơih mang hơ len năng dôm an^h chă tơ mang lăng. Mă lei, mưh truh tơ\ plt, năm lăng pơ gar yâu kiơ\ nơ\r tơ roi đơ\ng 1,2 ‘nu bơ ngai ‘no\h, ‘nho\ng ưh kơ lăp đon kiơ.

“’Nao âu hei năm đơ\ng an^h 5 to\ trong tơ klăh truh tơ\ Thu\ng thong tơ hưch, inh [ôh 1,2 ‘nu tơ dăm dui hor mât lăng lơ\m pơ gar yâu tây dăh mă dôm tơ mam ‘lơ\ng kơ Đà Lạt. Inh mât lăng ‘năi mă lei sư ưh đei nhen nơ\r pơ ma, mât lơ\m pơ gar dâu ưh đei nhen tơ drong ba ‘me\h vă. Oei kơ jă tơ mam đe te\ch tôch măk dơ\ng. Mưh bơ\n ưh đei răt tơ\ noh đe tơ hli thoi âu thoi to”.

Bơ ngai dui hor đe oei chă pơ hlu\ tơ moi năm tơ mang lăng

Nhen thoi no\h mơ\n, tơ\ pơ gar pơ kao plt, kơ nho\ng kông Dốc Đá trong Phù Đổng Thiên Vương, trong Nguyên Tử Lực, Mai Anh Đào lơ tơ moi [ôh ưh hơ iă lơ\m jơ hngâm păng hơ nơ\ng đei bơ ngai dui hor đe răt tơ mam druh kiơ\. {ât lăp đei tơ moi răm kơ lu bơ ngai dui hor đe te\h dong mưh ưh đei răt tơ mam. Mă đơ\ng hlôi đei dôm an^h jang kơ pal kơ plt Đà Lạt sek phak lơ ‘măng găh tơ drong io\k bơ ngai dui hor đe mă lei dôm tơ drong glăi âu oei đei hơ nơ\ng đe\ch. Tơ ‘ngla dôm an^h jang pơm glăi akhan, tơ dăh ưh io\k bơ ngai dui hor đe ‘no\h lu sư ưh đei te\ch hlot đ^ tơ mam.

Tơ\ Pơ gar pơ kao plt Đà Lạt ku\m đei bơ ngai chă dui hor đe ‘năi

{ok Kiều Vũ Hải-Tơ ‘ngla an^h te\ch mưt Thành Trung, tơ\ phường 8, pơ ma: “Tơ\ âu hnam đei 2 ‘nu bơ ngai, mă lei lơ an^h ju\m dăr ‘nâu đei truh j^t dôm ‘nu. Ba ưh ăn 1, 2 ‘nu bơ ngai le\ch krao đe tơ\ ‘ngoăih ‘no\h ưh đei tơ moi truh, jang xa ưh đei kiơ ôh”.

Kiơ\ kơ so# chih jo# đơ\ng Công an plt Đà Lạt đơ\ng sơ năm 2018 truh dang ei, an^h hlôi sek phak 95 ‘nu bơ ngai, 8 an^h jang io\k bơ ngai chă dui hor đe hăm kơ so# jên hlo\h 220 triu păng rôp gơ\t 95 tong gre hon đa. Dang ei plt Đà Lạt oei đei 8 an^h juăt io\k bơ ngai chă dui hor tơ moi truh tơ mang lăng. Dôm bơ ngai âu mă lơ ‘no\h đơ\ng dêh char nai truh ngăl.

1 ‘nu bơ ngai năm je# gre chă tơ mang lăng vă pơ hlu\ đe

Trung tá Phạm Văn Huấn-Pho\ Kơ dră Khul Kanh sat vei lăng mu\k drăm, Công an plt Đà Lạt akhan, tơ drong phak hăm dôm bơ ngai chă dui hor đe lăp đơ\ng 1 - 3 triu tam mă pơm ăn đe hli. Kơ plăh ‘no\h 1 ‘nu bơ ngai chă dui hor đe răt tơ mam dang 10 triu ‘no\h đei tơ ‘ngla an^h jang hơ păh đơ\ng 3 - 4 triu hlak jên.

“Hrei ‘nâu plt Đà Lạt ku\m nhen Công an plt pơ gơ\r jang tôch kơ tang vă sek tơ lang đ^ lu bơ ngai dur hor đe kư\ kă. Nhôn oei hơ to\k tơ drong chă rôp, sek tơ lang dôm tơ drong glăi dui hor đe chă tơ mang lăng, hơ to\k tơ drong vei lăng dôm an^h io\k bơ ngai chă dui hor đe âu. Đơ\ng ro\ng kơ sek tơ lang đang nhôn athei Dơ no\ an^h vei lăng kon pơ lei plt thu io\k hla ar jang xa hăm dôm an^h âu”.

Vă tơ moi gơ\h đei lơ ‘măng năm pơ dơ\h ngôi sơ đơ\ng ‘lơ\ng, hiôk chơt tơ\ plt pơ kao, dêh char Lâm Đồng ku\m nhen plt Đà Lạt athei hơ nơ\ng sek tơ lang tơ păt dôm an^h te\ch mơ dro tơ mam ‘lơ\ng io\k bơ ngai chă dui hor đe, pơm ưh ‘lơ\ng truh um rup pơ lei tơm chă tơ mang lăng âu.

Tuấn Anh: Chih

Dơ\ng: Tơ blơ\