VOV4.Bahnar - Đà Lạt – Lâm Đồng jing tơring tơmang pơhiơ\ pơdơh pơdei dơ\ng jơgơ\l tơ\ Việt Nam. Lơ\m dôm năr blu\ng puih mak âu, ‘nguaih kơ dôm anih pơdơh pơdei tơmang pơhiơ\ xo hlôi đei kơ Đà Lạt, dôm mir na choh pơtăm kiơ\ trong ‘nao tơ\ plei tơm âu hlôi jing anih kăp g^t đei lơ tơmoi truh tơmang păng pơlong jang.

‘Nguaih kơ dôm anih tơmang pơhiơ\ hlôi đei kơ Đà Lạt – Lâm Đồng nhen tơkơi đak Prenn, tơkơi đak Datanla, dơnâu Than thở, Hang hơ\ng Tơhưch, groi Mộng Mơ, pơgar pơkao kơ plei tơm, pơlei Cù Lần, Thung lũng Vàng, Trong hơlu\ng teh lân... dôm pơgar pơtăm ‘nhot pơkao kiơ\ trong jang ‘nao đơ\ng kon pơlei Đà Lạt to\k bo\k jing anih truh tơmang lăng đei lơ tơmoi truh lơ\m dôm năr blu\ng xơnăm ‘nao 2017 âu.

Truh tơmang păng kơdih po chă rơih plei dâu tây đum brê tơ\ minh anih tơmang var pơgar choh jang, pơmai Nguyễn Thị Lệ Hằng, tơmoi đơ\ng plei tơm Hà Nội xơkơ\t: “Inh năm tơmang lơ tơring, lơ teh đak bơih mă lei truh tơ\ âu noh inh chre\ng kơ măt, [ôh pơgar thoi âu mă đei lơ tơmoi đơ\ng ie\ khe\ kră truh tơmang. Tơpă âu jing minh um ru\p tơmang pơhiơ\ kăl pơih xă ưh kơ adro# tơ\ Lâm Đồng mă oei lơ\m ja#p teh đak hloi”.

Vă axong măh tơdrong kăl tơmang pơhiơ\ var pơgar đơ\ng tơmoi păng dôm anih jang găh tơmang pơhiơ\ lơ\m dôm năr blu\ng puih mak xơnăm âu, Anih vei lăng kon pơlei plei tơm Đà Lạt hlôi chih hơnăn păng xơkơ\t 25 pơgar choh jang kiơ\ trong ‘nao mă đei tôm tơchơ\t vă jang tơmang pơhiơ\ athei pơih ‘măng xơng tơmoi truh tơmang. Atu\m hăm noh, đơ\ng anih tơm kơ plei tơm, jơnu\m pơgơ\r tưring tơ\ âu oei pơjing minh anih pơtăm pơkao tam giác mạch xă hloh tong ane# ha, vă rim tơmoi truh tơmang, păng chă chu\p um. ‘Nho\ng Nguyễn Văn Thông, tơmoi đơ\ng dêh char Bình Thuận truh hăm Đà Lạt lơ\m ‘măng lêh tơhưch âu ăn tơbăt: “Inh truh Đà Lạt âu noh ‘măng mă 3 bơih. Inh păng bôl boăl truh tơ\ âu păng lăng [ôh minh hơdre\ch pơkao ‘nao thoi âu noh hơ iă păng hăt hot tơpă. Mă kăl noh tơ\ anih tơm kơ plei tơm thoi, tơje# hăm anih mă khul nhôn oei, đei pơgar pơkao vă rim bơngai truh tơmang păng chu\p um noh xo# xôn tơpă”.

Yă Trần Thị Việt Hương, jang lm Anih tơmang pơhiơ\ Viettravel ăn tơbăt, tơmang pơhiơ\ var pơgar choh jang jing minh hơyak ‘nao to\k bo\k đei dôm anih jang găh tơmang pơhiơ\ tơre\k truh, jing minh lơ\m dôm tơmam tơmang pơhiơ\ ‘lơ\ng ưh kơ goh kơ[ah lơ\m tơdrong pơjing minh tơdrong tơmang truh hăm Đà Lạt – Lâm Đồng. Yuơ noh, tơdrong mă jơnu\m pơgơ\r tơring tơ\ âu lăng pơg^t hơto\k tơmang pơhiơ\ var pơgar choh jang, gô jing trong kăp g^t tơgop dru\t kơtang tơdrong jang tơmang pơhiơ\ tơ\ âu ato\k to ưiung kơjăp kơtang hloh. Yă Trần Thị Việt Hương ăn tơbăt: “Inh kơche\ng noh dôm anih tơmang pơhiơ\ jing dôm anih ‘lơ\ng hơ iă, adoi jing tơmam drăm ‘nao tơgưt hăm choh jang xa. Păng tơdrong mă gô pơjing um ai ‘nao, anih hơdăh ăn tơdrong jang tơmang pơhiơ\ kơ Lâm Đồng lơ\m khei năr ano# anăp kơnh”.

Kiơ\ jo# hơlen đơ\ng anih jang tơmang pơhiơ\ dêh char Lâm Đồng, đơ\ng tết nguyên đán truh dang ei, dôm anih tơmang var pơgar choh pơtăm kơ plei tơm  Đà Lạt hlôi hơvơn kơ hre\ng rơbâu ‘nu tơmoi truh tơmang, hơlen băt. Tơdrong mă âu ăn [ôh, tơdrong lăng pơg^t păng ‘nhăk tơmang pơhiơ\ var pơgar io\k jang, jing minh hơyak kăp g^t, tơgop pơtru\t tơdrong jang tơmang pơhiơ\ – tơdrong jang mu\k drăm dơnơm kơ Đà Lạt ato\k tơ iung kơtang hloh lơ\m khei năr truh.

Lan chih păng rapor