VOV4.Bahnar - ‘Năr 14/11, Kơ dră chĕp kơ̆l Ban Nội chính Trung ương Phan Đình Trạc kŭm hăm Khul jang đơ̆ng Anih tơm Chinh trĭ hlôi bơ̆ jang hăm Khul kơ dră chĕp kơ̆l đảng plt Đà Nẵng roi tơ băt tơ drong dăr hơ len tơ drong chĕp kơ̆l pơ gơ̆r tơ chĕng hơ len, hŏk pơ hrăm, hlôh vao, roi tơ băt, tơ lĕch jang kiơ̆ Tơ drong tơ chơ̆t đơ̆ng Hop akŏm lơ̆m tĕh đak ‘măng mă XIII kơ Đảng.

Ƀok Phan Đình Trạc pơ ma lơ̆m jơ bơ̆ jang

Pơ ma pơ tôch, ƀok Phan Đình Trạc pôk pơ ư păng tơ chĕng ‘lơ̆ng dôm tơ drong adrin đơ̆ng Khul kơ dră chĕp kơ̆l đảng plt Đà Nẵng păng dôm anih jang đảng đei hơ len năng mưh tơ lĕch jang, hŏk pơ hrăm tơ dỏng Tơ chơ̆t đơ̆ng Hop akŏm mă XIII kơ Đảng. Ƀok Phan Đình Trạc athei plt Đà Nẵng hơ nơ̆ng chih hơ dăh tơ drong hŏk pơ hrăm, hlôh vao tơ drong tơ chơ̆t ‘nŏh jĭ tơ drong jang hơ nơ̆ng hơ nong, đei bơ̆ jang đĭ jăl jang; hơ tŏk tơ drong tơ roi tơ băt, hơ tŏk đon hlôh vao đơ̆ng Anih jang đảng, đảng viên, mă loi lơ̆m tơ drong tơ iung pơ jing, hơ met ming Đảng.

Dơ̆ng: Tơ blơ̆