VOV4.Bahnar - Gơ măng 28/9, Dơ nŏ anih vei lăng kon pơ lei plt Đà Nẵng tơ lĕch tơ drong tơ chơ̆t găh bơ̆ jang dôm trong jang sơ đơ̆ng ‘lơ̆ng, gơ̆h tang găn đei yoa tơ drong jĭ COVID-19. Tơ drong tơ chơ̆t roi hơ dăh 9 trong jang tang găn jĭ lơ̆m chăl hle.

Tơm hlŏh jĭ hơ nơ̆ng năng phương, xăh, kueng kơ phô̆ ‘nŏh jĭ “kơ đông”, kon pơ lei jĭ bơ ngai tơm dơ nơm vă tang găn ‘lơ̆ng tơ drong jĭ. Mă loi, plt băt hơ dăh păng pơ gơ̆r jang đei yoa 6 tơ drong hơ găt sơ đơ̆ng, vei lăng ‘lơ̆ng tơ drong jĭ COVID-19 đơ̆ng Thủ tướng tĕh đak pơ tho.

Dơ nŏ anih vei lăng kon pơ lei plt Đà Nẵng chih hơ dăh, hăm tơ ring oei đei pơ vang găn dăh mă ‘nao đei bơ ngai jĭ COVID-19 lơ̆m tơ pôl: Athei hơ nơ̆ng bơ̆ jang kiơ̆ trong pơ vang găn, “bu tơ̆ yơ oei tơ̆ noh”. Hăm dôm tơ ring oei đei, plt athei pơ dơ̆h ‘mơ̆i dôm tơ drong jang xa, tĕch mơ dro, ngôi pơ chơt, ngă, pơ guăng (ưh jô̆ anih yoă sŏk, pơ pu kơ̆l), karaoke, mát-xa, et xa, anih hơ xoang, pơm phim, anih pơ truh internet tơ pôl.

Dơ̆ng: Tơ blơ̆