VOV4.Bahnar  – Đơ̆ng rŏng kơ hơlen hla bar pơtruh đơ̆ng Anih pơgơ̆r pôkr ơih kơ dêh char Đăk Lăk, Jơnŭm pơgơ̆r pôk rơih kơ teh đak hlôi drơ̆ng nơ̆r ăn 14 tơring tăh kơphĭu lơ̆m tơring kơ dêh char pơgơ̆r pôk rơih hrôih hloh 1 năr pơtêng hăm pơkăp (dang ăh năr 22/5) noh:  7 anih linh vei xơlam teh, Khul linh jang mŭk drăm xơlam teh 737, khul linh kơ đŏng kơsô̆ 19, Khul linh 303 lơ̆m trung đoan 584, anih jang linh apŭng Ea Súp păng Khul linh tơm kơ tơring tăh kơphĭu kơsô̆ 9 xăh Chư̆ Mlanh, apŭng Ea Súp, Kŏng ang apŭng Ea Súp păng Anih jang Kŏng ang dêh char.

          Anih pơgơ̆r pôk rơih dôm jăl hlôi hơtŏk pran tơdrong tơroi tơbăt găh 'năr pôk rơih hrôih, keh đang tơdrong axong jang, pơrŏ dôm anih tăh kơphĭu, hơmet tôm tơmam drăm kih thuơ̆t 'măn ăn 'năr pôk rơih trŏ khei năr pơkăp păng trŏ hăm Khôi luơ̆t pôk rơih. Đăk Lăk đei 73 km trong xơlam teh tơkuh hăm Campuchia. Vă vei xơđơ̆ng tơnăp ăn tơdrong pôk rơih, khul linh vei xơlam teh, kŏng ang pơkăl đei tăh kơphĭu hrôih vă jang 2 xơnong jang hadoi noh vei lăng xơlam teh, tang găn păng tơjră răh pơrang jĭ Covid-19.

Lan chih păng pơre nơ̆r