VOV4.Bahnar - Kơ sơ̆ ‘năr 6/7, Khŭl drŏ kăn kŏng an dêh char Dak Lak jang hơ dai hăm 1,2 ‘nu bơ ngai đei jơ hngơ̆m đon ‘mêm mơ nat tơ̆ pơ lei tơm Buôn Ma Thuột, pơ gơ̆r tơ gop tơ gŭm 20 tấn tơ mam bơ̆n: ‘Nhot, phe, plei ‘long... chơ jur tơ̆ pơ lei tơm Hồ Chí Minh tơ gŭm kon pơ lei tŏk bŏk arih lơ̆m dôm hơ nih ăn oei hơ drô̆ Covid-19.  20 tấn tơ mam âu gô đei ba truh Hnam pơ gang Quân y 175 tơ̆ quận Gò Vấp păng 1,2 hơ nih pai gŏ sŏng sa akŏm tơ̆ dôm hơ nih ăn oei hơ drô̆ tơ̆ 1,2 quận, apŭng kơ pơ lei tơm Hồ Chí Minh.

20 tấn tơ mam truh hăm rim hơ nih ăn oei hơ drô̆ tơ̆ pơ lei tơm Hồ Chí Minh

Lơ̆m khei ‘năr kơ chơ tĕch mơ dro tơm Bình Điền, tih hloh pơ lei tơm athei pơ dơ̆h kơ tĕch mơ dro vă pơ gơ̆r dơ̆ng tơ drong jang tang găn jĭ, ‘noh mŏ oh lơ̆m khŭl drŏ kăn kŏng an dêh char kŭm hăm dôm bơ ngai đei jơ hngơ̆m đon ‘mêm mơ nat tôch kơ hơ mĕng, tơ drong tơ gop mă đơ̆ng iĕ, kŭm tơ gop pơ lung kon pơ lei pơ lei tơm Hồ Chí Minh yak hloh mơ mat tat. Tơ̆ hơ năp kơnh, Khŭl drŏ kăn kŏng an dêh char Dak Lak hơ nơ̆ng krao hơ vơn tơ gop dôm tơ mam vă gơ̆ih ăn rim hơ nih ăn oei hơ drô̆ akŏm tơ̆ pơ lei tơm Hồ Chí Minh.

Thuem: Tơ blơ̆