VOV4.bahnar - Mă đơ\ng hlôi đe\i ‘mi blu\ng a tơ\ m^nh [ar tơring, mă le\i tơdrong phang pơđang tơ\ dêh char Dak Lăk oe\i tơnap tap đe\ch, hơgăt te\h ‘long pơtăm răm phang pơđang pơra\m roi să păng măt bơngai ư\h kơ măh đak so\ nhă roi năr roi lơ. 

      Kiơ\ kơ an^h jang vei lăng găh cho\h jang sa păng hơ to\k tơ iung tơ ring tơ rang de#h char Dak Lak, dang ei hlôi đei dang 50 rơ bâu hec tar ‘long pơ tăm đei to\ phang, găh lơ ‘no\h j^ che\h phe păng tiu, ako\m đ^ đăng hiong răm hlo\h 1.500 ti hlak jên. Lơ\m de#h char đei dang 27 rơ bâu u\nh hnam ư\h kơ măh đak yua, hlo\h 200 kon tơ rong đ^ lôch yua kơ ư\h kơ măh tơ mam sa păng đak nhă. Đơ\ng jên tơ gu\m đơ\ng Khu\l kơ dră te\h đak, jên jang kơ tơ ring păng tơ gu\m đơ\ng an^h mong jên, de#h char Dak Lak hlôi tơ le\ch 26 ti hlak jên ăn tơ drong jang tang găn to\ phang. Kiơ\ tơ roi tơ băt hơ drol đơ\ng an^h jang vei lăng găh hơ yu\h ple\nh te\h, tơ drong to\ phang hơ nơ\ng đei [o#h kơ tang lơ\m khei ‘năr tru\h, An^h jang vei lăng kon pơ lei de#h char Dak Lak hlôi pơ gơ\r ăn kơ rim tơ ring păng an^h jang kơ pal tơ mơ\t yua rim trong jang tang găn to\ phang.  

Thuem tơ blơ\