VOV4.Bahnar - Lơ̆m khei hơ druh tơ dăm sơ năm ‘nâu, sơ năm mơ lôh Dak Lak hlôi bơ̆ jang kiơ̆ 710 tơ drong jang ‘moi kiơ̆ lơ tơ drong jang ‘lơ̆ng hơ iă. ‘Nâu jĭ kơ sô̆ chih jô̆ đei tơ lĕch tơ̆ lêh pơ tôch Khei hơ druh tơ dăm sơ năm 2021 yua đơ̆ng Anih jang Đoàn dêh char Dak Lak pơ gơ̆r kơ sơ̆ ‘năr 15/4. Tơ drong jang ‘lơ̆ng nhen pơ gơ̆r 346 ‘măng tơ roi tơ băt păng bơ̆ jang găh vei lăng cham char, tang găn tơ drong răm đơ̆ng râm rĕk như̆ơ, tơ jră hăm tơ plih tŏ ‘mi kial, sơng đei hloh 20.700 đoàn viên hơ druh tơ dăm vang jang. Rim kơ dră đoàn hlôi hơ met hloh 25 km trong tơ ring tơ rang; bơ̆ jang kiơ̆ hloh  20 km tơ̆k hơ dăh trong pơ lei; pơ gơ̆r 10 ‘măng plang song pham tơ gŭm, kiơ̆ đơ̆ng noh hơ vơn đei vă jê̆ 3.000 tơ pu pham.

Pôk hơ păh ăn kơ rim khŭl tơ pôl păng kơ dih jang hơ gei hloh

Rim tơ drong jang tơ gŭm hơ druh tơ dăm pơ jing tơ drong jang sa, hơ tŏk tơ iung mŭk drăm đei lăng kăl tơ lĕch jang hăm lơ tơ drong jang nhen: pơ gơ̆r năm lăng hŏk pơ hrăm rim tơ drong jang, tơ roi dôm tơ drong kơ tơ̆ng ang găh hlôh vao pơ jing tơ drong jang sa, pơ tho ăn kơ hơ druh tơ dăm pơ jing tơ drong jang păng tŏk iŏk jên vă pơ jing tơ drong jang sa.

Thuem: Tơ blơ̆