VOV4.Bahnar  – Kơmăng năr 25/4, khul linh vei xơlam teh Đăk Lăk hlôi ƀôh băt păng tơklăh oei hơdrô̆ tơtom hăm 13 'nu bơngai chôt vih đơ̆ng teh đak  Campuchia.  13 'nu âu jing dôm bơngai oei tơ̆ apŭng Ea Súp, năm truh teh đak boăl Campuchia pơm jang.

Ăh mă pơrang jĭ Covid-19 hơbuh hli tơ̆ Campuchia păng tơpoh lang xă, khul bơngai âu chôt vih tơ̆ Việt Nam kiơ̆ trong teh găn xơlam tơkuh đơ̆ng  Việt Nam hăm Campuchia.  Ăh 12 jơ kơmăng năr 25/4, ăh khul bơngai âu 'nao mơ̆t truh hơgăt teh kơ teh đak bơ̆n hlôi ƀơm khul vei xơlam teh Ia Rvê, apŭng Ea Sup hơlen ƀôh băt. Kơtă đơ̆ng rŏng kơ noh, tôm 13 'nu âu đei 'nhăk oei akŏm tơklăh tơ̆ Anih jang Y tê̆ apŭng Ea Súp păng iŏk hơlen pham. Đơ̆ng hơlen pham kơ Anih jang Hơlen pơrang Jĭ dêh char ăh kơmăng năr 25/4 ăn ƀôh, pơđĭ 13 'nu âu noh âm tĭnh hăm SARS-COV-2 'măng mă 1.

Lan chih păng pơre nơ̆r