VOV4.Bahnar - Dơnŏ anĭh chĕp pơgơ̆r tơdrong jang tĕh đak dêh char Dak lăk tơbăt, kon jên jang tơdrong jang tĕh đak tơ iung pơjing tơring tơrang ‘nao sơnăm au ‘nŏh dang 5.580 ti hlak jên. Lơ̆m au, kon jên đơ̆ng tĕh đak ăn 980 ti hlak jên; kon jên hơvơn 240 ti hlak jên; kon jên vang mơ̆t jang đơ̆ng tơdrong jang anai ‘nŏh 1.960 ti hlak jên, pă dôm yơ ‘nŏh jên tŏk iok.

Kon pơlei pơl trong tơ̆ apŭng Krông Năng – Dak Lăk

Sơnăm 2021, lơ̆m dêh char hơdrin vei kơ jăp tơdrong ‘lơ̆ng rim tơring iŏk đei tơring tơrang ‘nao, đei 71 tơring iŏk đei jing tơring tơrang ‘nao. 6 tơring iŏk đei tơring tơrang ‘nao ‘lơ̆ng liĕm;pă đei tơring lăp jang keh đang tim mă trŭh 7 trong tơlĕch jang ... Đei băt, lơ̆m sơnăm 2020 au ki, kon jên jang tơdrong jang tơ iung pơjing tơring tơrang ‘nao kơ dêh char Dak lăk ‘nŏh hlŏh 5.200 ti hlak jên păng hlôi đei 66 tơring iŏk đei jing tơring tơrang ‘nao.

Tơblơ̆ nơ̆r: Amazưt