VOV4.Bahnar - Kơ dră chĕp kơ̆l Anih vei lăng tơ drong jĭ jăn dêh char Dak Lak tơ băt hơ dăh, tơ̆ tơ ring ‘nao đei dơ̆ng 1 ‘nu tơ poh jĭ SARS –CoV-2. ‘Noh jĭ Y.T.H’M, oei tơ̆ plei Dranh A – xăh Đắk Liêng, apŭng Lắk, jĭ kŏng nhân jang tơ̆ pơ lei tơm Hồ Chí Minh. ‘Năr 26/6/2021 bơ ngai âu hao gre đơ̆ng pơ lei tơm Hồ Chí Minh brŏk tơ̆ hnam. Pơ gê ‘năr 27/6, năm tơ̆ Hnam pơ gang apŭng vă tơ roi tơ băt ăn khŭl jang pơ gang. Kiơ̆ đơ̆ng hơ len lăng hrĕnh đei ƀôh yŏng jĭ SARS- CoV-2, đơ̆ng rŏng ‘noh hơ len lăng hăm kơ măy PCR kŭm ăn ƀôh đei yŏng jĭ SARS –CoV -2. Anih jang kơ pal hlôi ăn 3 ‘nu F1 năm oei hơ drô̆ akŏm, iŏk pham hơ len lăng ăn kơ 26 ‘nu ngôi tơ jê̆; pơm hơ nih răp pơ vang găn tơ̆ plei Dranh A păng pruih pơ gang jum dăr hơ nih ŭnh hnam âu arih sa. 18 ‘nu bơ ngai hao hơ dai lơ̆m gre hăm bơ ngai jĭ âu đơ̆ng pơ lei tơm Hồ Chí Minh brŏk tơ̆ Dak Lak kŭm đei ăn oei hơ drô̆.

Thuem: Tơ blơ̆