VOV4.Bahnar - Nơ̆r tơ roi đơ̆ng Anih pơ gơ̆r jang tang găn jĭ COVID-19 dêh char Dak Lak, lơ̆m ‘năr 26/7, dêh char âu đei dơ̆ng 11 ‘nu bơ ngai tơ pŏh pơ rang jĭ SARS–CoV-2, lơ̆m nŏh đei 6 ‘nu bơ ngai tơ pŏh jĭ lơ̆m tơ pôl. Krông Năng jĭ apŭng đei bơ ngai jĭ SARS–CoV-2 lơ hlŏh, hăm 5 ‘nu. Plt Buôn Ma Thuột đei 3 ‘nu bơ ngai tơ pŏh jĭ SARS–CoV-2. Apŭng Ea Kar đei 2 ‘nu tơ tă ƀơm truh bơ ngai đơ̆ng dêh char Bình Dương. Apŭng Krông Pach đei 1 ‘nu ‘nao vih đơ̆ng plt Hồ Chí Minh.

Lơ Anih gak hơ len jĭ tơ̆ Dak Lak đei pơm vă tang găn jĭ tơ pŏh xă

Ƀơm truh 6 ‘nu bơ ngai tơ pŏh jĭ lơ̆m tơ pôl đei băt lơ̆m ‘năr 26/7, anih jang pơ gang Dak Lak hlôi tơ chă, ăn oei hơ drô̆ păng pơ gơ̆r iŏk pham test hrĕnh đei 14 F1; Pơ tho ăn Anih jang pơ gang apŭng pruih pơ gang pơ lôch pơ rang jĭ jŭm dăr hnam bơ ngai jĭ păng dôm anih bơ ngai jĭ năm truh. Thoi nŏh truh 5 jơ kơ sơ̆ ‘năr 26/7, dêh char Dak Lak hlôi đei 128 ‘nu bơ ngai tơ pŏh pơ rang jĭ SARS–CoV-2 tơ̆ 13/15 apŭng, thĭ xăh, plt. 2 tơ ring tam mă đei jĭ ‘nŏh apŭng M’Drak păng Cư Mgar.

Dơ̆ng: Tơ blơ̆