VOV4.Bahnar  – Đơ̆ng rŏng kơ plei tơm Hồ Chí Minh păng dôm dêh char găh pơbăh pơm rơdu pơkăp oei tơklăh, đơ̆ng năr 2 truh pơgê năr 4/10, dêh char Đăk Lăk hlôi xơng jê̆  7.000 'nu bơngai jang chôt vih đơ̆ng dôm dêh char găh pơbăh.

Tơdrong hơlen test renh kơsô̆ bơngai chôt vih âu đei 14 'nu ƀơm jĭ. Lơ̆m kơsô̆ jê̆ 7.000 'nu kon pơlei tơ̆ dôm dêh char găh pơbăh kơdih chôt vih Đăk Lăk, truh pơgê năr 4/10, anih jang y tê̆ Đăk Lăk hlôi iŏk đak muh test renh ăn hloh 6.000 'nu. Đơ̆ng noh băt đei 14 'nu ƀơm jĭ, đei  0,2%. Dôm đak muh đei iŏk hơlen noh pơtruh ăn anih jang CDC dêh char păng Anih Hơlen pơrang jĭ Tây Nguyên vă hơlen pơkăp Realtime RT-PCR. KIơ̆ đơ̆ng noh, lơ̆m kơsô̆  7.000 'nu bơngai chôt vih dêh char đei jê̆ 60% 'nu bơngai hlôi ƀet vaccine bơ̆ng jĭ COVID-19 'măng mă 1; kơsô̆ bơngai hlôi đei ƀet 'măng mă 2 đei hloh 9%; păng 764 'nu F0 hlôi đei hơmet klaih jĭ COVID-19 lĕch đơ̆ng hnam pơgang, đei hloh 11%.

Lan chih păng pơre nơ̆r