VOV4.Bahnar - Têt nguyên đán Canh Tý 2020 đ^ vă je# tru\h. Lơ an^h tơ mang lăng tơ\ Dak Lak to\k bo\k hăt hot hơ met pơ ro\ ming an^h lăng, hơ met ăn lơ tơ mam vă pơ yua ăn tơ moi lơ\m năr têt nguyên đán.

Tơ\ an^h tơ mang lăng jo\h ayo\ tơ pôl Kó Tam (pơ lei tơm Buôn Ma Thuột, de#h char Dak Lak), rim bơ ngai jang to\k bo\k vei lăng pơ gar pơ kao, tơm ‘long, pơ ro\ ‘long ie\ păng pơ hrăm hơ ri hơ soang, tôn ch^ng chêng kơ bơ ngai Êđê. Yă Nguyễn Thị Ngọc Anh, kơ dră Jơ nu\m vei lăng Ko\ng ti tơ mang lăng jo\h ayo\ tơ pôl Kó Tam tơ băt, năr Têt nguyên đán sơ năm ‘nâu, an^h tơ mang lăng gô hơ to\k loi dơ\ng rim tơ drong jo\h ayo\ joăt joe nhen: tôn ch^ng chêng, hơ soang, et tơ drô ge, pơ gơ\r dơ\ng 1,2 tơ drong soi tơ be\h kơ bơ ngai Êđê. Hơ dai hăm ‘no\h j^ dôm tơ drong jang phe\ tơ mam pu\n ai blu\ng pơ yan pu\ih mak, hơ ri hơ soang, pơ pơn đei hơ păh, pơ long hao tho\ng nan…. Yă Nguyễn Thị Ngọc Anh, tơ băt, an^h tơ mang lăng Kó Tam ư\h kơ hơ to\k kơ jă ve\ lơ\m năr têt, mă oei pơ\ih să thim an^h lăng pơ kao tơ pông bri. Dang ei nhôn ako\m ăn tơm ‘long, pơ kao, hla. Nhôn ku\m ako\m jang hơ dai hăm hnam trưng Đại học Tây Nguyên vă vei lăng hơ dre\ch pơ kao tơ pông bri păng ‘long bri kăp g^t. Hơ dai hăm găh jo\h ayo\ ‘no\h nhôn ako\m ăn kơ đe o\h đei ho\k pơ hrăm păng krao ako\m rim khu\l tôn ch^ng chêng v^h tơ\ âu vă tôn pơm jing 1 le#h ‘lơ\ng hơ iă Tây Nguyên tơ\ Kó Tam lơ\m dôm năr le#h, têt.

An^h tơ mang lăng Kó Tam pơ\ih xă thim pơ gar pơ kao tơ pông bri vă pơ yua ăn tơ moi tơ mang lăng pơ yan pu\ih mak

Oei tơ\ an^h ‘măn răk tơ mam drăm so de#h char Dak Lak, tơ drong jang “ Chơt hơ iă pơ yan pu\ih mak Canh Tý 2020” tơ che\ng hơ drol gô pơ gơ\r đơ\ng ‘năr 27 tru\h ‘năr 29/1 (vă khan ‘năr 3 tru\h ‘năr 5 Têt). Tơ\ âu gô đei lơ tơ drong jang nhen: Phe\ tơ mam pu\n ai blu\ng sơ năm, pơ ro\ hla ar pơ yan pu\ih mak, ap^nh chư pu\n ai păng pơ ma dơ nu\h kơ tă hăm bơ ngai ch^h thư pháp, lăng đe pơm dôm kơ loăi [e\ng so sơ\... Kiơ\ [ok Đinh Một, Kơ dră vei lăng an^h ‘măn răk tơ mam drăm so Dak Lak, ‘nâu j^ 1 lơ\m dôm trong jang hơ dai ‘nao vă sơng tơ pôl tru\h hăm an^h ‘măn răk tơ mam drăm so: Lơ\m năr têt nguyên đán nhôn gô pơ gơ\r ăn tơ moi tơ mang lăng gơ\h lăng pơm dôm kơ loăi [e\ng nhen [e\nh chư\ng, [e\ng têt, [e\ng in,… Dang ei mă đơ\ng lơ\m an^h te\ch mơ dro đei tôch lơ mă lei gô tơ gu\m ăn tơ moi, mă loi ‘no\h j^ đe buăl mơ lo#h đei tơ drong hiôk vă lăng păng băt dôm năr têt joăt joe kơ hơ dre\ch hơ dru\ng đei đơ\ng chăl yă [ok bơ\n sơ\.

Rim an^h tơ mang lăng pơ v^h pơ văn năr têt nguyên đán

De#h char Dak Lak dang ei đei 27 an^h tơ mang lăng, 19 an^h jang tơ mang lăng, hlo\h 200 an^h [^ch pơ dơ\h ke\ pơ yua ăn dang 9.000 ‘nu tơ moi [^ch 1 ‘măng. Yă Nguyễn Thụy Phương Hiếu, Pho\ kơ dră An^h vei lăng găh jo\h ayo\ - tơ plo\ng kơ dâu păng tơ mang lăng Dak Lak tơ băt, măt tơ moi gô to\k lơ lơ\m năr têt, rim an^h jang kơ pal tơ ring ku\m hăm an^h jang mơ dro sa hơ drin hơ to\k ‘lơ\ng pơ v^h pơ văn ăn tơ moi tơ mang lăng pơ yan pu\ih mak: An^h jang hlôi athei rim an^h pơ gơ\r tơ mang lăng hơ met ăn rim tơ drong hiôk ‘lơ\ng vă pơ v^h pơ văn ăn tơ moi, vei sơ đơ\ng hiôk ăn tơ moi mư\h vang năm tơ mang lăng, hơ met ăn lơ tơ mam vă pơ yua ăn tơ moi, vei sơ đơ\ng ư\h kơ te\ch mơ dro tơ mam kơ\m, tơ mam ya păng dôm tơ mam sem tơ rong bri brăh. Hơ dai hăm ‘no\h ku\m athei rim an^h pơ gơ\r tơ mang lăng pơ jing dơ\ng dôm tơ mam ‘nao vă pơ yua ăn tơ moi. Sơ năm ‘nâu tơ\ rim an^h tơ mang lăng ‘no\h đe ku\m đei tơ dỏng tơ mơ\t jên jang ‘nao, hơ nhăk tơ mam jo\h ayo\ kon kông lơ\m rim tơ drong tơ [o#h vă pơ yua ăn tơ moi.

 H’Xíu H’Mốc: Ch^h

Thuem: Tơ blơ\