VOV4.Bahnar - Dơ nŏ anih vei lăng kon pơ lei dêh char Dak Lak ‘nao tơ lĕch hla ar chih găh tơ drong pơ gơ̆r pơ tho hŏk đơ̆ng ‘năr 4-10-2021. Kiơ̆ kơ ‘nŏh, hăm dôm tơ ring đei chih jĭ “tơ ring dreng” vă akhan tơ ring ưh đei jĭ, đe hơ iŏh mâm non 5 sơ năm gơ̆h năm hŏk, tơ dăh kô pơ tho păng hơ iŏh oei tơ̆ tơ ring ưh đei jĭ ngăl; đe hơ iŏh dôm sơ năm nai hơ nơ̆ng pơ dơ̆h hŏk klep truh đei nơ̆r tơ băt plơ̆ng. Hăm dôm tơ ring găh “tơ ring jơk”, “tơ ring kam”, “tơ ring ƀrê”, hơ iŏh mâm mon oei asong pơ dơ̆h hŏk klep truh đei nơ̆r tơ băt plơ̆ng dơ̆ng; đơ̆ng lăm 1 tŏk tơ̆ kơ pal, hơ nơ̆ng pơ tho hŏk trư̆k tuyê̆n, hŏk lơ̆m tivi, pơ jao ƀai tơ̆ hnam.

Hŏk tro jăl mônh tơ̆ Buôn Ma Thuột hŏk trư̆k tuyê̆n tơ̆ hnam

Anih vei lăng pơ tho pơ hrăm dêh char Dak Lak pơ gơ̆r jang hơ doi hăm Anih vei lăng jang pơ gang dêh char, Dơ nŏ anih vei lăng kon pơ lei dôm apŭng, thĭ xăh, plt pơ tho ăn dôm anih pơ tho pơ hrăm roi tơ băt ăn thây kô, kăn ƀô̆, bơ ngai jang păng mĕ ƀă hŏk tro, đe ŏh hŏk tro pơm kiơ̆ mă ‘lơ̆ng trong tang găn jĭ COVID-19; atŭm hăm ‘nŏh kơ chăng tơ lĕch trong tang găn hiă tơ dăh đei tơ drong jĭ tơ̆ anih kơ dih.

Dơ̆ng: Tơ blơ̆