VOV4.Bahnar – Hăm tơ ring đei lơ tơ drong ‘lơ\ng vă pơ tăm ‘long kăp g^t păng rong kon tơ rong, dôm sơ năm âu ki, Khul dro\ kăn jơ\p tơ ring lơ\m apu\ng Cư Kuin, dêh char Dak Lak tơ gu\m ăn lơ mo\ o\h to\k io\k jên jang xa, pơ tâp jang kiơ\ khoa ho\k ki thuât ‘nao mưh pơ tăm ‘long, rong kon tơ rong, hơ nhăk ăn io\k yoa kơ jăp. Gơ nơm thoi no\h, lơ dro\ kăn hlôi klăih đơ\ng tơ nuh hin, pơ jing u\nh hnam erih xa hiôk chơt.

Mo\ Nguyễn Thị Nghi tơ\ xăh Ea Bhôk, apu\ng Cư Kuin, dêh char Dak Lak tơ roi: adrol sơ\, hnam mo\ j^ 1 lơ\m dôm u\nh hnam tơ nuh kơ xăh. Dôm sơ năm tơ je# âu, mo\ adrin năm ho\k pơ hrăm tơ\ dôm lăm pơ tho trong rong kon tơ rong, rei pơ tăm ‘long păng đei tơ gu\m 4 triu hlak jên vă răt hơ dre\ch rei pơ tăm, jang ato\k tơ iung mu\k drăm. Đơ\ng rong rơ mo, nhu\ng, ie\r u\nh hnam mo\ mong kon jên răt te\h pơ tăm bơ\n che\h phe păng tiu. Truh dang ei, u\nh hnam mo\ đei 1,5 ha te\h pơ tăm che\h phe hơ lam hăm tiu, 1 sơ năm kla tôm jên jang oei rơ kăh dang 200 triu hlak jên.

Mo\ Nguyễn Thị Nghi ăn tơ băt: “Sơ năm 2008 hnam nhôn đei mo\ o\h dro\ kăn lơ\m gru\p asong to\k io\k 4 triu, hnam nhôn io\k jên âu răt 1 pôm kon rơ mo. Đơ\ng kon rơ mo ‘no\h nhôn rong hơ nơ\ng păng adrin jang xa klep truh dang ei, păng inh năng ‘nâu j^ hơ yak to\k blu\ng a kơ u\nh hnam nhôn adrin jang ato\k mu\k drăm”.

Mo\ Trần Thị Mai tơ\ xăh Ea Ning, apu\ng Cư Kuin ‘no\h tơ roi, adrol sơ\, măr sư klo sư hơ nơ\ng năm jang ăn kơ đe, tơ drong erih xa ưh đei sơ đơ\ng kiơ. Đơ\ng sơ năm 2011, hnam mo\ đei Khul dro\ kăn pơ lei asong to\k io\k 10 triu hlak jên đơ\ng An^h ‘mơ ‘met jên, atu\m hăm ‘no\h Khul dro\ kăn xăh pơ dơ\ng anăn asong to\k io\k tơ\ An^h mong jên tơ gu\m tơ pôl đei 20 triu. Đei kơ so# jên âu, hnam mo\ răt rơ mo yo\ng; pơ tăm tiu. Hrei ‘nâu u\nh hnam mo\ đei 7 sao che\h phe pơ tăm hơ lam hăm tiu, 3 to\ rơ mo păng 1 sơ lu\ng rong ka xă. Rim sơ năm pơ huach tôm jên jang, hnam mo\ oei io\k đei loi 60 triu hlak jên.

Mo\ Trần Thị Mai pơ ma: “Mu\k drăm kơ plăh do\h sơ\ te\h to\ se\t bơih, jên vă jang xa ưh kơ đei dơ\ng kơ na khul dro\ kăn asong to\k io\k 10 triu, an^h mong jên tơ gu\m ăn tơ pôl asong to\k io\k 20 triu vih răt 1 pôm rơ mo păng rong dơ\ng bơ\n ie\r hai, inh mong hơ ko\m hơ kăi klep truh sơ năm 2014 ‘no\h u\nh hnam klăih đơ\ng tơ nuh.”

Đơ\ng sơ năm 2011 truh dang ei, kiơ\ đơ\ng lơ kơ so# jên đei to\k io\k pha ra băl, Khul dro\ kăn apu\ng Chư Kuin pơ dơ\ng anăn ăn 14 rơ bâu ‘nu bơ ngai jang to\k io\k hlo\h 61 ti vă jang xa. Ku\m hăm tơ drong tơ gu\m to\k io\k jên, Khul dro\ kăn apu\ng Chư Kuin oei jang hơ doi hăm An^h pơ tru\t cho\h jang xa, Khul kon pơ lei jang chu\n mir pơih lơ lăm pơ tho ki thuât jang, pơ jing trong rong kon tơ rong, rei pơ tăm… Đơ\ng no\h, đe dro\ kăn pơ\n to\k io\k jên jang xa, to\k klăih đơ\ng tơ nuh hin.

Mo\ Bùi Thị Lộc, Pho\ Kơ dră vei lăng Khul dro\ kăn apu\ng Cư Kuin ăn tơ băt: “Tơ drong tơ gu\m ăn dro\ kăn jang ato\k tơ iung mu\k drăm, pơm tơ jur tơ nuh hin kơ jăp ‘no\h j^ 1 lơ\m dôm tơ drong jang tơm đơ\ng khul dro\ kăn. ‘Ngoăih kơ jên to\k io\k tơ\ an^h mong jên tơ gu\m tơ pôl nhôn oei krao hơ vơn mo\ o\h dro\ kăn tơ gop mong răk lơ\m khul hai. Truh dang ei, đei 80% khul gru\p đei jên mong kơ dih. Rim sơ năm vang tơ gu\m ăn lơ mo\ o\h dro\ kăn đei jên jang xa, jang to\k mu\k drăm, pơm tơ jur tơ nuh hin. Tơ\ hơ năp kơnh, khul adrin jang vă đ^ đăng khul gru\p dro\ kăn mong đei jên kơ dih ngăl păng tơ gu\m ăn lơ mo\ o\h dro\ kăn tơ nuh jang to\k mu\k drăm dơ\ng”.

Hăm lơ trong jang rơ gei, lăp hăm tơ drong erih xa yăn âu kơ rim dro\ kăn jang lơ\m khul, Khul dro\ kăn apu\ng Chư Kuin, dêh char Dak Lak hlôi tơ gu\m băl jang to\k mu\k drăm, pơ jing u\nh hnam erih xa hiôk chơt.

Hương Lý: Chih

Dơ\ng: Tơ blơ\