VOV4.Bahnar - Lơ̆m jơ bơ̆ jang hăm Kơdră chĕp pơgơ̆r Grŭp jang FLC, Khŭl kơdră chĕp pơgơ̆r Đảng dêh char Dak Lăk hlôi drơ̆ng nơ̆r trong jang tơmơ̆t jên jang Hơnĭh tơmang pơ hiơ̆ cham char, pơchơt pơ hiơ̆ păng cham golf dơnau Ea Nhaih tơ̆ tơring Cuôr Dăng, apŭng Cư Mgar hăm hơgăt teh să vă jê̆ 200 ha.

Tơ̆ jơ bơ̆ jang, Kơdră chĕp pơgơ̆r Khŭl kơdră vei lăng Grŭp jang FLC sơkơ̆t hơdăh: Tơdrong vă jang Tơmang pơ hiơ̆ cham char, pơchơt pơ hiơ̆ păng cham golf dơnau Ea Nhái tơ̆ tơring Cuôr Dăng, apŭng Cư Mgar mư̆h đei dêh char Dak Lăk drơ̆ng nơ̆r tơmơ̆t jên jang, atŭm hăm tơdrong vang iung jang đơ̆ng khŭl jang chĭnh trĭ, Kŏng ty gô tơlĕch jang lơ̆m khei 9 sơnăm au, lơ̆m hơgăt tĕh să 190 hec ta. Khei năr ming man lơ̆m 1 sơnăm gô pơm đang cham golf păng klui hlŏh 2 sơnăm gô ming man keh đang tơdrong jang au. Kơdră chĕp pơgơ̆r Đảng dêh char Dak Lăk drơ̆ng nơ̆r trong jang tơmơ̆t jên jang đơ̆ng Grŭp jang FLC lơ̆m tơring dơnau Ea Nhái păng athei Dơnŏ anih vei lăng kon pơlei dêh char pơjing Dơnŏ anih chĕp pơgơ̆r bơ̆ jang păng hơmet pơ ‘lơ̆ng tơnap tap, tơhlăk tơhlĭn ăn Kŏng ty Grŭp jang FLC lơ̆m tơlĕch jang kiơ̆ tơdrong vă jang au.

Tơblơ̆ nơ̆r: Amazưt