VOV4.Bahnar - Năr 19/5, Khŭl vei lăng Đô̆i dêh char Dak Lăk jang hơdoi hăm Dơnŏ anĭh jŏh ayŏ kơdŏ soang Hơ iŏh dêh char pơgơ̆r Pơm lê̆h et hơtŏk hơnĭh ming man Hơnih pơchpơt hơ iă hơ iŏh dêh char Dak Lăk hăm achon đak dơsĭ Tĕh đak. Hơnĭh au đei pơjing tơ̆ Hnam jŏh hơri Hơ iŏh dêh char, pơ đĭ um rup hơdrơ̆ng sơlam tĕh đak rim achon dơsĭ tơ̆ Achon dơsĭ Trường Sa.

Rim kơdră tang măt phĭn rup tơ̆ Hơnĭh pơchơt hơ iŏh hăm đak dơsĭ achon dơsĭ Tĕh đak

Tơ̆ rim hơdrơ̆ng sơlam tĕh đak jei đei chĭh hơdăh hơnăn hơdrơ̆ng, groi tĕh hơtơ̆p hơdrơ̆ng. Đơ̆ng rŏng mĭnh khei ming man hăm kon jên chă hơvơn rim hơnĭh jang tơgum păng tơdrong vang tơra tơgop đơ̆ng đe hơ iŏh lơ̆m dêh char ‘moi kiơ̆ trong tơlĕch jang tơdrong jang iĕ, hơnĭh au hlôi pơm keh đang, hăm akŏp kon jên tơ iung pơjing trŭh 170 trĭu hlak jên.

Hơnih pơchơt đei pơm tơ̆ Hnam jŏh hơri hơ iŏh dêh char Dak Lăk

Hơnĭh au ư̆h khan lăp pơm măt lăng ‘lơ̆ng lơ̆m cham Hnam jŏh hơri Hơ iŏh dêh char, mă lei oei pơjing đei hơnĭh pơtho tơbăt jơhngơ̆m đon hlô̆h vao ăn đe hơ iŏh găh đak dơsĭ, achon dơsĭ păng tơdrong pơm tơngla groi tĕh, pơjing đei jơhngơ̆m đon ‘mêm kơ eng tĕh đak pơlei pơla, atŏk hơnăp jang tơnăp kơ jơhnơr mơlô̆h lơ̆m tơ iung pơjing păng vei lăng Tĕh đak.

Tơblơ̆ nơ̆r: Amazưt