VOV4.Bahnar - Dak Lak gô pơ gơ̆r pôk rơ̆ih dơ̆ng tơ̆ 3 thôn vă pôk bơ ngai tang măt jơ nŭm pơ gơ̆r kon pơ lei tơ̆ xăh, ‘nâu jĭ kơ tơ̆ng ang đei Anih vei lăng pôk rơ̆ih dêh char Dak Lak tơ lĕch tơ̆ ‘măng hop akŏm ‘măng mă 5 đơ̆ng Anih vei lăng pôk rơ̆ih dêh char ‘nao âu. Kiơ̆ kơ ‘noh, bơ ngai tăh hla kơ 3 thôn, hơ tŏ hăm 3 anih pôk rơ̆ih ‘noh: thôn 9, thôn 10, thôn 11 kơ xăh Cư San, apŭng M’Đrăk gô pơ gơ̆r pôk rơ̆ih dơ̆ng lơ̆m Năr pơh, ( ‘năr 6/6/2021) vă pôk bơ ngai tang măt jơ nŭm pơ gơ̆r kon pơ lei rim xăh.

Rim bơ ngai tang măt pơ ma dơ nuh hơ drol kơ pơ drơ̆ng kiơ̆ tơ drong tơ chơ̆t

Yua đơ̆ng hơ drol ‘noh, ‘năr 23/5 kơ sô̆ bơ ngai tăh hla năm pôk rơ̆ih tơ̆ 3 anih âu tam mă iŏk đei 50% akŏp kơ sô̆ bơ ngai tăh hla lơ̆m hơ năn đơ̆ng rim anih pôk rơ̆ih. Tơ̆ jơ hop akŏm âu, Anih vei lăng pôk rơ̆ih dêh char Dak Lak kŭm hlôi pơ drơ̆ng kiơ̆ tơ drong tơ chơ̆t tơ băt hơ dăh pơ tôch pôk rơ̆ih păng hơ năn 75 ‘nu đei pôk pơm bơ ngai tang măt Jơ nŭm pơ gơ̆r kon pơ lei dêh char jăl 10, jăl jang 2021-2026 tơ̆ 20 anih pôk rơ̆ih bơ ngai tang măt jơ nŭm pơ gơ̆r kon pơ lei dêh char.

Thuem: Tơ blơ̆