VOV4.Bahnar - Pơyan pơdơh hè xơnăm âu, đe hơ ioh tơ\ rim pơlei pơla atih yaih tơ\ dêh char Dak Lak chơt hơ iă kơlih đei pơgơ\r ăn lơ tơdrong ako\m pơchơt kăp g^t păng pơyua. Khul hơdruh tơdăm năm jang kơ dêh char Dak Lak hlôi năm truh rim pơlei pơla vă pơgơ\r ako\m pơdăh joh hri, pơchơt pơxuh păng axong tơmam ăn hơ ioh kon kông đei tơdrong erih tơnap tap. 

Kơtă đơ\ng ro\ng kơ đei pơdơh hè, hơ ioh tơ\ pơlei K’Nach, xăh ataih yaih Buôn Triết, apu\ng Lak, dêh char Dak Lak hlôi đei ako\m pơxuh pơchơt kăp g^t đơ\ng tơdrong ako\m hè. Dôm tơdrong joh hri, dôm tơdrong pơxuh pơchơt hơnơ\ng đei ‘nho\ng pơmai đoàn viên, bngai năm jang pơgơ\r tơ\ hnam ako\m joh ayo\. Oh H’Me Ri Êung (bngai hdrung M’nông) oei tơ\ pơlei Ung Jung 2, xăh buôn Triết ăn tơbăt, oh đei me\ [ă ‘nhăk truh tơ\ âu đơ\ng hrôih vă ako\m pơxuh dôm tơdrong pơchơt âu. H’Me Ri tơroi: “Oh tam mă lai yơ đei ako\m tơdrong pơxuh thoi âu, ‘năr âu đei ako\m noh inh xo# hơ\k dêh, inh lăp hloh noh đei pơxuh dôm tơdrong pơchơt păng đei io\k tơmam hơpăh. Inh ‘meh vă xơnăm kơnh Đoàn gô truh pơgơ\r dôm tơdrong pơxuh pơchơt thoi âu dơ\ng”.

Hăm lơ tơdrong pơchơt hơ iă nhen: “Pơlong hơ hie\k  36 trong”, “Khul boăl teh [ơlo\ng rơgei”, “Bngai yơ hri brông hloh”, păng pơhrăm tơdra hơxuang kră xơ\ “Tơdra hơxuang kơ khul ier” (Chicken dance), lơ hơ ioh mă blu\ng tam mă kh^n ako\m pơxuh, adro# oei lăng đe\ch, đang kơ noh kh^n chă hrâu hơxuang hăm boăl vă đei io\k tơmam hơpăh. Ưh kơ adro# đei io\k tơmam hơpăh đơ\ng dôm tơdrong pơxuh pơchơt, đe oh ho\k rơgei noh oei đei io\k tơmam hơpăh noh jên ho\k yuơ Đoàn hơdruh tơdăm Cộng sản Hồ Chí Minh dêh char Dak Lak pôk ăn. Che\p lơ\m ti tơmam hơpăh adrin yak hloh tơnap tap kho\m mă ho\k rơgei, oh H’Linh BKrông (bngai hơdrung Ê Đê) tơ\ pơlei K’Nach xo# hơ\k tôch dêh pơma: “Inh [ôh xo# xôn yuơ đei io\k tơmam hơpăh atu\m hăm ‘nho\ng pơmai, inh xkơ\t ning mônh kơnh gô adrin pơ ‘nam ho\k, ngoan chu, gô ho\k rơgei hloh vă xơnăm kơnh ‘nho\ng pơmai truh ako\m pơchơt păng ăn tơmam kơ nhôn dơ\ng”

Atu\m hăm tơdrong pơgơ\r đơ\ng dôm apu\ng, th^ xăh, anih jang đoàn hơdruh tơdăm cộng sản Hồ Chí Minh lơ\m dêh char pơgơ\r ako\m pơchơt ăn hơ ioh, Đoàn hơdruh tơdăm Cộng sản Hồ Chí Minh dêh char Dak Lak oei pơjing khul năm apong, ăn tơmam, pơjao jên ho\k ăn hơ ioh đei tơdrong erih tơnap tap tơ\ tơring ataih yaih. Đoàn hơdruh tơdăm Cộng sản Hồ Chí Minh dêh char Dak Lak hlôi jang atu\m hăm Anih jang Lao động, Thương binh Xăh ho#i dêh char, Anih mong jên tơgu\m hơ ioh kơ dêh char păng dôm anih jang tơgu\m pơjao 100 suất jên ho\k hăm kjă hloh 150 triu hlak jên păng hloh 800 tơpu tơmam, [anh ke\o ăn hơ ioh ie\.

Tơje# hăm noh, Đoàn hơdruh tơdăm Cộng sản Hồ Chí Minh dêh char Dak Lak oei hơvơn khul sinh viên năm jang tơ\ dôm xăh tơnap tap vă pơgơ\r ako\m hè ăn hơ ioh. ‘Nho\ng Y Nhuần BYă, Bí thư Đoàn hơdruh tơdăm Cộng sản Hồ Chí Minh dêh char Dak Lak ăn tơbăt: “Găh tơdrong ako\m jang tơ\ dêh char noh pơgơ\r pơchơt ăn hơ ioh păng năm apong hơlêm đe hơ ioh đei tơdrong erih tơnap tap, păng hlôi pơjao jên ho\k ăn đe hơ ioh đei tơdrong erih tơnap tap ako\m lơ\m tơring lơ\m dêh char. Tơnap tap hloh dang ei noh dôm apu\ng noh tơnap vă ako\m pơchơt ăn hơ ioh lơ\m pơyan pơdơh hè âu, noh jing tơdrong mă nhôn to\k bo\k oei pơngơ\t kơđon. Lơ\m pơyan pơdơh hè âu gô hơmet khul jang đei 1.000 ‘nu sinh viên năm jang axong vih tơ\ pơhlom 25 xăh lơ\m ja#p dêh char, tơguăt hăm tơdrong jang tơm ăn hơdruh tơdăm, lơ\m noh vă ako\m pơchơt ăn hơ ioh tơ\ tơring ataih yaih”.

Minh pơyan pơdơh hè dơ\ng truh hăm hơ ioh dêh char Dak Lak, hăm tơdrong tơguăt kăp g^t pơ ‘nam đơ\ng Đoàn hơdruh tơdăm Cộng sản Hồ Chí Minh dêh char Dak Lak, gô tơgop tơgu\m đe oh ho\k tro đei minh pơyan pơdơh hè chơt hơ iă păng pơyua kăp g^t.  

 Lan chih păng rapor