VOV4.Bahnar - Hlŏh 1.800 ‘nu hŏk tro lăm 9 tơ̆ Dak Lăk vang năm Pơlong mơ̆t hŏk lăm 10 sơnăm hŏk 2021 - 2022 kơ ƀar hnam trương kăl: Hnam trương jăl pêng Nguyễn Du păng Hnam trương jăl pêng Tĕh đak rong ‘me Nơ Trang Lơng.

Ƀok thây vei lăng dăr lăng hơlen hơnăn hŏk tro năm pơlong

‘Măng pơlong mơ̆t hok lăm 10 sơnăm au tơ̆ Dak Lăk lăp đei 2 hnam trương đei pơgơ̆r pơlong, ‘nŏh Hnam trương jăl pêng Chuyên Nguyễn Du, pơlei tơm Buôn Ma Thuột, păng Hnam trương jăl pêng tĕh đak rong ‘me Nơ Trang Lơng. Lơ̆m kơsô̆ 1.839 ‘nu hŏk tro chĭh hơnăm vang năm pơlong, 2 hnam trương lăp iŏk tơmơ̆t hŏk ‘nŏh 550 ‘nu hŏk tro. ‘Ngoăih ƀar hnam trương đei ăn asong pơgơ̆r pơlong, sơnăm au, rim hnam trương jăl pêng anai tơ Dak Lăk jei pơgơ̆r xek tơmơ̆t. Rim hnam trương jăl pêng anai, hnam trương Jăl ƀar pêng Kon kông Oei kơtă Tây Nguyên păng Hnam trương jăl pêng Thực hành Cao Nguyên, đei trong krao tơmơ̆t hŏk pha, ‘moi kiơ̆ trong tơmơ̆t hŏk hlôi đei Dơnŏ anĭh vei lăng kon pơlei dêh char Dak lăk kĭ tơchơ̆t ăn.

Tơblơ̆ nơ̆r: Amazưt