VOV4.Bahnar - Đơ̆ng rŏng hlŏh 2 khei tơlĕch jang “Internet păng kmaiw ĭnh ăn kơ ŏh”, dơnŏ anĭh jang pơtho pơhrăm Dak Lăk hlôi tơgop đei 4 ti 500 trĭu hlak jên vă tơgŭm kmăi tĭnh, điên thoăi hơgei ăn hŏk tro tơnap tap.

Kiơ̆ đơ̆ng Dơnŏ anĭh vei lăng hnam trương pơtho pơhrăm Dak Lăk, tơ̆ hơnăp jĭ hơbŭh Covid-19 pơrăm kơtang, hơnĭh au sơkơ̆t hơdăh hŏk trư̆k tuyên jing trong jang sơđơ̆ng hlŏh păng rŏ năng đei tơlĕch jang đunh khei ‘năr. Mă lei, lơ̆m dêh char oei hlŏh 268.000 ‘nu hŏk tro ư̆h kơ đei rơvơn hŏk trư̆k tuyên, hŏk tro jăl kơ đĕh ư̆h kơ đei kmăi kmŏk hŏk trư̆k tuyên, tơmơ̆t hlŏh 60%. Dơnŏ anĭh jang pơtho pơhrăm Dak Lăk tŏk bŏk hơnơ̆ng chă hơvơn rim bơngai đei jơhngơ̆m đon ‘lơ̆ng vang tơgop ăn tơdrong jang “Internet păng kmăi tĭnh ăn kơ ŏh”, adoi atŏk kơtang jang ‘lơ̆ng tơdrong jang au, lăng trŭh jang keh đang tơdrong jang “ Pơdơ̆h năm tơ̆ hnam trương mă lei ư̆h pơdơ̆h hŏk”.

Tơblơ̆ nơ̆r: Amazưt