VOV4.Bahnar - Đơ̆ng rŏng vă jê̆ 1 giĕng pơ dơ̆h tơ drong test hơ len pơ rang jĭ COVID -19 tơ̆ Hnam pơ gang plt Buôn Ma Thuột, Hnam pơ gang hơ met jĭ ăn hơ iŏh Đức Tâm păng anih khăm Đa khoa Hoàn Hảo, ‘năr 13/7, Anih vei lăng jang pơ gang Dak Lak drơ̆ng nơ̆r asong ăn 3 anih jang âu bơ̆ jang hơ lơ̆k dơ̆ng vă chă test hơ len pơ rang jĭ COVID-19 pơm hla ar yak vih vât ăn kon pơ lei păng dôm bơ ngai huơ̆r gre năm tơ̆ dôm tơ ring athei đei hla ar set hơ len hrenh, ưh đei jĭ COVID -19.

Adrol kơ ‘nŏh, ‘năr 8/7, Anih vei lăng jang pơ gang Dak Lak đei hla ar chih kơ sô̆ 2360 găh pơ dơ̆h lê̆ tơ drong jang test hơ len pơ rang jĭ COVID -19 tơ̆ dôm anih khăm, hơ met jĭ lơ̆m dêh char gô anih jang pơ gang hơ len năng ‘mơ̆i, tơ dăh anih yơ đei tôm tơ mam kăl, lăp hăm tơ drong hơ găt ‘nŏh gơ̆h bơ̆ jang dơ̆ng. Kŭm hăm 3 anih khăm, hơ met jĭ kơ pal, đei asong bơ̆ jang chă test hơ len pơ rang jĭ COVID-19, Dak Lak oei vei kơ jăp anih test hrĕnh ưh hiong jên 1 năr test ăn 100 ‘nu bơ ngai huơ̆r gre hang C tơ̆ Anih jang pơ gang plt Buôn Ma Thuột. 

Dơ̆ng: Tơ blơ̆