VOV4.Bahnar - Nơ̆r tơ roi đơ̆ng Anih pơ gơ̆r jang tang găn jĭ COVID-19 dêh char Dak Lak, tơ̆ dêh char âu đei dơ̆ng bơ ngai mă 9 tơ pŏh pơ rang jĭ SARS-CoV-2, ‘nŏh jĭ hơ kăn bơ ngai jĭ COVID-19 mă 8. Bơ ngai jĭ âu ‘nŏh mŏ T.T.M.L, rơ nĕh sơ năm 1996, tơ̆ plei Ea Duất, xăh Ea Wer, apŭng Buôn Đôn.

Mŏ L. Jĭ công nhân tơ̆ công ty in bao bì Quảng Huy (phương Bình Trị Đông A, kuơ̆n Bình Tân, plt Hồ Chí Minh. Mŏ L. jĭ F1 kơ 'nhŏng Đ. đei anih jang pơ gang Dak Lak khăm hơ len đei pơ rang jĭ SARS – CoV -2 lơ̆m gơ măng 14/7. Hnam pơ gang apŭng Buôn Đôn pơ gơ̆r pruih pơ gang pơ lôch pơ rang jĭ jơ̆p anih klo kăn mŏ L. yak vih vât.

Dơ̆ng: Tơ blơ̆