VOV4.Bahnar - Dơ nŏ anih vei lăng kon pơ lei dêh char Dak Lak pơ gơ̆r hop akŏm pơ tôch tơ drong jang sơ năm 2020, tơ lĕch tơ drong jang sơ năm 2021 kơ Anĭh pơ gơ̆r jang tang găn tơ drong yoch, tơ drong glăi lơ̆m tơ pôl păng pơ jing tơ dỏng jang đĭ đăng kon pơ lei vang vei lăng sơ đơ̆ng tĕh đak. Kiơ̆ hla ar chgih tơ roi lơ̆m hop akŏm, sơ năm 2020, tơ drong sơ đơ̆ng chinh trĭ lơ̆m dêh char đei vei kơ jăp ‘lơ̆ng. Tơ drong yoch lơ̆m tơ pôl đei găn ƀiơ̆, tơ drong yoch ma túy đei chă ƀôh roi lơ, gre tâm prĕh băl jur găh 3 tơ drong hơ găt.

Lơ̆m hop akŏm, Dơ nŏ anih vei lăng kon pơ lei dêh char athei tơ̆ hơ năp kơnh, dôm anih jang, khul grŭp, tơ ring tơ rang hơ nơ̆ng tơ lĕch jang mă ‘lơ̆ng, đei yoa dôm tơ drong tơ chơ̆t đơ̆ng Đảng, trong jang đơ̆ng dêh char găh tơ drong tang găn tơ drong yoch, tang găn ma túy, pơ jing tơ drong jang đĭ đăng kon pơ lei vang vei lăng sơ đơ̆ng tĕh đak; akŏm jơ hngâm chĕp kơ̆l pơ gơ̆r, tơ lĕch dôm trong jang vei kơ jăp tơ drong sơ đơ̆ng, vei lăng ‘lơ̆ng tơ drong pôk rơih bơ ngai tang măt Kuô̆k hô̆i jăl XV păng bơ ngai tang măt Jơ nŭm pơ gơ̆r kon pơ lei jơ̆p tơ ring đơ̆ng 2021-2026.

Dơ̆ng: Tơ blơ̆