VOV4.Bahnar - Anih hơlen gre chơ trăp kiơ\ trong kxo# 53 lơ\m tơring Ea Knuêc, apu\ng Krông Pach, dêh char Dak Lak ‘nao tro\ khul tơdăm phă pơrăm. 

Năr 16/8, minh khul đei  4 ‘nu tơdăm hao 2 tong gre hon đa kơdâu renh, ăh găn anih hơlen gre chơ trăp kxo# 53, jăl trong 26, tơ\ tơring Ea Knuêch, apu\ng Krông Pach, noh juă tơpăi đoăn ‘nhueng ‘măn dơ\t anih pơkă păng teh pơchăh tơmam pơkă trăp B (tơ\ ‘ngoaih). Đang kơ noh dôm bngai âu vơ\r gre kơdâu klenh. Pơgê năr 18/8, Anih jang găh trong nơnăm dêh char Dak Lak hlôi pơtruh hla bar kăl ăn Anih tơm jang găh trong nơnăm Việt Nam, Anih tơm jang găh gre vih vơ\t, Anih vei lăng kon pơlei dêh char Dak Lak vă dăh đei tơdrong pơgơ\r dôm khul jang kpal hơlen pơm hơdăh tơdrong mă âu. {ok Lê Công Chức, Kdră anih jang hơlen lơ\m Anih jang găh trong nơnăm dêh char Dak Lak ăn tơbăt: “Tơdrong pơm âu đơ\ng khul tơdăm jing tơdrong phă pơrăm, pơgăn ‘nho\ng oh jang hơlen gre chơ trăp vă vei xđơ\ng trong nơnăm. Nhôn duh pơtruh hla bar tơroi ăn Anih jang vei lăng kon pơlei dêh char dăh đei tơdrong pơgơ\r jang hăm Anih jang ko\ng ang apu\ng Krông Pach, duh nhen Ko\ng ang xăh Ea Knuêch jing anih mă nhôn ‘măn tơmam pơkă gre chơ trăp tơ\ noh, vă dăh hơlen rôp dôm bngai phă pơrăm âu kiơ\ pơkăp hăm kơluơ\t teh đak”.

Lan chih păng rapor