VOV4.Bahnar - Kxơ\ năr brei, 9-4, tơ\ plei tơm Buôn Ma Thuột dêh char Dak Lak pơgơ\r hop ako\m Jơnu\m pơgơ\r jang kơ teh đak găh vei lăng păng ato\k bri xơnăm 2011 – 2020. 

Pho\ thủ tướng Hoàng Trung Hải, Kdră jơnu\m pơgơ\r jang pơgơ\r tơdrong hop ako\m. Kiơ\ tơdrong tơroi đơ\ng Anih tơm choh jang xa păng ato\k tơring pơxe\l, xơnăm 2014, kxo# tơdrong pơm glăi kơluơ\t vei lăng bri tơjur 6% pơtêng hăm xơnăm xơ\, tơdrong jang pơkă vei lăng bri duh kjăp hloh. Ja#p teh đak hlôi pơtăm bri ako\m đei hloh 220 rơbâu ha, 60 triu tơm ‘long răh rai, pơkă rong vă je# 380 rơbâu ha bri ‘nao hon. Kjă ‘long bri te\ch ăn teh đak đe đei yua hloh 6 tih 500 triu đôlar Mih. Mă thoi noh, dôm tơdrong tơnap tap oei [ôh lơ\m tơdrong vei lăng păng ato\k găh bri noh adoi lơ, noh jing tơdrong pơm glăi kơluơ\t vei lăng bri adoi lang xă, tơdrong pơtăm bri tơ ‘măl kiơ\ tơchơ\t jang tơ\ teh bri pơkă tam mă đei jơnei nhen pơkăl păng mă kăl noh kxo# hơgăt teh bri đơ\ng ro\ng kơ hơlen ‘nao [ôh tơjur dêh hnang, pơrăm truh tơdrong ato\k mu\k drăm tơpôl kơ dôm tơring. Hơgăt bri tơ\ Tây Nguyên đơ\ng ro\ng kơ hơlen noh 2 triu 567 rơbâu ha, tơjur je# 360 rơbâu ha pơtêng hăm tơdrong hơlen xkơ\t ăh xơnăm 2008. Tơdrong tơm noh yuơ tơplih bri vă io\k teh pơtăm kxu, pơtăm ‘long nai, păng man hnam kmăi pơm tơle\ch unh hơyuh pơnơ\ đak, trong nơnăm... Tơje# hăm tơdrong jang kơ dôm anih jang oei đei lơ tơdrong pơngơ\t, oei đei tơdrong tơm noh Tây Nguyên athei tơjră hăm tơdrong kơdâu xơlăh đơ\ng kon pơlei tam mă đei xek tơlang xđơ\ng. Lơ\m hop ako\m, jơnu\m pơgơ\r dôm dêh char Tây Nguyên păng Bình Phước atu\m hăm tang măt ăn dôm anih jang tơm, dôm bngai vang jang lơ\m Jơnu\m pơgơ\r jang kơ teh đak hlôi pơtruh lơ nơ\r pơm hơdăh dôm tơdrong kăl lơ\m tơdrong jang vei lăng păng ato\k găh bri dang ei, atu\m hăm noh tơle\ch dôm tơdrong jang [lep vă tơdrong jang âu đei jang tơnăp hloh lơ\m khei năr truh. 

Lan chih păng rapor