VOV4.Bahnar - Yuơ to# đunh năr, đak tơ\ rim dơnâu mong, đak glung đak thong păng rim pơnơ\ đak tơ\ Đak Lăk hlôi hrơ\, to# pơđang đei [ôh lang xă kơtang. Ưh adro# ‘long pơtăm lôch kro mă kơ rơbâu unh hnam kon pơlei duh oei tơjră hăm tơdrong ưh kơ măh đak xo\ nhă rim kơ năr.

To# pơđang kơtang hloh tơ\ rim apu\ng Ea H'leo, Krông Búk, Krông Bông, Buôn Đôn păng Ea Súp. Lơ hơgăt cà phê, tiu, ‘long xa plei; [a na, [um, tôl hlôi jô pơđ^; minh [ar anih pơtăm ‘nhot, [a na noh lôch kro. {ok Y Bin Niê tơ\ xăh Ea H’leo, apu\ng Ea H’leo ăn tơbăt, mă unh hnam hlôi axong je# 120 triu hlj vă kuer 2 to\ hơlu\ng đak, io\k đak ruih ăn ‘long pơtăm mă lei duh ưh kơ măh đak: "Dang ei đak to\ xe\t, hơlu\ng đak [ôm đei 2 jơ noh athei gô đak to\k ‘mơ\i. Tơm cà phê noh honh jô, dang ei ruih đak vă tơm erih đe\ch, oei plei kơnh hơbo\ ưh đei lơ. Tơm tiu lơ\m pơgar noh lôch je# tong ane#, lơ\m kơplăh thong đak ruih noh tam mă băt io\k tơ\ yơ."

Tơ\ xăh Ea Bung, apu\ng Ea Súp, to# pơđang kơtang hloh. {ok Nguyễn Quang Vinh, jang mir tơ\ thôn 3 ăn tơbăt, đak glung đak thong lơ\m tơring noh hrơ\ pơđ^, 7 sao [a na kơ unh hnam hlôi kro honh; hơlu\ng đak xo\ nhă kơ unh hnam adoi hrơ\ mơ\n. Dang ei unh hnam inh oei tơjră răh hăm to# pơđang, pănga thei răt răh đak ‘măn xo\ nhă: "Do\ng [a noh unh hnam inh io\k đak to\ng oei mong lơ\m glung, pơgenh chă yua kơmăi [ôm ie\ vă [ôm đak ăn kơ [a ke\ erih đe\ch, mă lei adoi to\ xe\t đe\ch. Oei đak xo\ nhă noh athei răt hăm kơ[^n mong đơ\ng 16-18 lit vih yua; đak hu\m ‘nhao pih hơbăn ao noh io\k gre choh năm chơ đak tơ\ dơnâu Ea Súp Thượng  ti ti vă chă hu\m ‘nhao. To# pơđang thoi âu noh kon pơlei tơnap tap dêh."

Kiơ\ tơdrong hơlen đơ\ng Anih Choh jang xa păng Hơto\k tơring pơxe\l dêh char Đak Lăk, tôm 600 dơnâu mong đak lơ\m dêh char, đak adro# tơ\ hơla 55%; rim dơnâu iơ ie\ hlôi hrơ\ pơđ^. {ok Nguyên Hoài Dương, Kơdră Anih Choh jang xa păng Hơto\k tơring pơxe\l hlôi păng to\k bo\k jang atu\m hăm rim tơring hăt hot kôih hơmet hơbong vă pơro đak, bơ\t dơnâu mong đak, pơgơ\r chă ruih đak mong [iơ\, tơroi hăm kon pơlei tơplih hơdre\ch ‘long pơtăm, yua hơdre\ch to\ xe\t năr, ke\ chiu to#...

Hăm dôm tơring khăi kơ đak, tơdrong jang tang găn păng tơjră to# pơđang kăl axong jang kiơ\ pơkăp: đak ‘măn xo\ nhă, đak ‘măn ăn kon tơrong ier bip, đak ruih ăn ‘long pơtăm đei kơjăp kăp găh mu\k drăm: “Nhôn hlôi tơgu\m ăn Anih vei lăng kon pơlei dêh char pơgơ\r rim tơring athei kơdih tơle\ch dôm trong jang vă tơjră hăm to# pơđang. Rim tơring duh hlôi kơdih pơkăp păng hlôi đei lơ trong jang hơdăh. Lơ\m khei 4 âu, rim tơring ako\m tơle\ch lơ trong jang tang găn păng tơjră pơđang, axong măh đak...”.

Kiơ\ tơroi đơ\ng anih jang hơlen tơroi găh hơyuh to# ‘mi, lơ\m dôm năr truh, to# pơđang pơtoi oei pơdui đunh tơ\ Dak Lak. Rim tơring nhen: apu\ng Ea Kar, Krông Bông, Lắk, Krông Năng, Buôn Đôn păng Ea Súp noh to# pơđang gô lang xa tenh păng kơtang hloh. Rim apu\ng, th^ xăh, plei tơm tơ\ Dak Lak oei hăt hot hơlen hơdăh dôm hơgăt ‘long pơtăm [ơm to# pơđang, rim tơring kon pơlei oei tơjra#m lơ tơnap tăp găh đak xo\ nhă rơgoh vă tơtom tang găn păng tơgu\m ăn kon pơlei.

Lan chih păng rapor