VOV4.Bahnar  – Dêh char Đăk Lăk dang ei tŏk bŏk oei iŏk hơlen pham tơ̆ hơlen hơlen pơrang jĭ ăn dôm bơngai chôt vih đơ̆ng dôm dêh char găh pơbăh.

Kiơ̆ kơ noh, dôm bơngai vơ̆r gre chơ tơmam drăm, dôm bơngai hao gre hơyuh tơ 'ngla păng gre honđa mơ̆t truh Đăk Lăk bô̆k đơ̆ng plei tơm Hồ Chí Minh păng minh ƀar dêh char găh pơbăh nhen: Đồng Nai, Bình Dương, Vũng Tàu, Tiền Giang gô athei iŏk hơlen test tenh tơ̆ anih hơlen pơrang jĭ ăh jăl trong 14 lơ̆m tơring Hòa Phú, plei tơm Buôn Ma Thuột. Khei năr iŏk hơlen đơ̆ng năr 18 truh năr 30/6/2021. Ƀok Trịnh Quang Trí, Kơdră Anih vei hơlen pơrang jĭ dêh char Đăk Lăk ăn tơbăt: tơdrong iŏk hơlen test tenh ăh anih hơlen pơrang jĭ gô tơgŭm ăn Đăk Lăk kơchăng hloh lơ̆m tơdrong jang tang găn păng tơjră jĭ COVID -19.

Lan chih păng pơre nơ̆r