VOV4.Bahnar -  Năr 28/7, Pơlei tơm Buôn Ma Thuột, dêh char Dak lăk pơgơ̆r iŏk pham test rĕnh khăm hơlen sơmach jĭ SARS-CoV-2 hăm đĭ đăng shipper bơ̆ jang lơ̆m pơlei tơm vă hơlen lăng rim bơngai đei jau tơpŏh.

Rim Shipper đei iŏk pham khăm hơlen lơ̆m ƀar năr (28-29/7/2021)

Vă đei iŏk pham test rĕnh sơmach jĭ SARS-CoV-2, rim shipper kăl năm trŭh tơ̆ hơnĭh po bơ̆ jang vă iŏk hla bơar tơchơ̆t bơ̆n jang shipper. Đơ̆ng rŏng ‘nŏh, rim shipper năm tơ̆ Hnam trương Jăl ƀar tĕh đak rong ‘me pơlei tơm Buôn Ma Thuột, kơsô̆  395, trong Phan Bội Châu, phương Thành Nhất vă iŏk pham khăm hơlen. Khei ‘năr iŏk pham khăm hơlen lơ̆m 2 năr đơ̆ng năr 28 trŭh năr 29/7. Pơlei tơm krao hơvơn rim shipper năm khăm hơlen vă tơchă ƀô̆h hơdăh đei tơpŏh jĭ dăh mă ư̆h, tơgŭm ăn bơ̆ jang tang găn jĭ ‘lơ̆ng hlŏh.

Tơblơ̆ nơ̆r: Amazưt