VOV4.Bahnar - Đơ\ng ro\ng dôm năr pơdơh têt, pơchơt puih mak, đe pơmai oh jang lơ\m Hơp tak xăh tanh brai Tơng Bông tơ\ plei tơm Buôn Ma Thuột yak mơ\t lơ\m xơnăm jang 'nao. Hăm đon lăp kơ tơdrong jang păng 'meh vă vei răk tơ[ăk mong tơdrong jang tanh brai juăt jue, đe pơmai oh pơtoi hăt hot tanh pơjing dôm tơmam tanh vă te\ch kiơ\ pơkăp chih măt lơ\m xơnăm 'nao.

            Đơ\ng ro\ng dôm năr pơdơh têt, pơmai H'Yăm Bkrông, tơ\ pơlei Chư\ Êbông, xăh Ea Kao, plei tơm Buôn Ma Thuột, dêh char Đăk Lăk chôt vih hăm tơdrong jang juăt jue noh tanh brai tơ\ Hơp tak xăh tanh brai Tơng Bông. Pơmai H'Yăm ăn tơbăt, âu jing tơdrong jang axong io\k yua xơđơ\ng ăn pơmai lơ\m 15 xơnăm kơ âu. Mưh nhen adrol ki đei io\k yua mă tơm noh đơ\ng choh jang xa noh dang ei rơvơn khei choh jang noh âu jing tơdrong jang pơgenh, oei mă lơ khei năr pơmai tơguăt hăm tơdrong jang tanh brai. Lơ\m unh hnam pơmai dang ei đei 3 hnưr bơngai adoi băt tanh brai, păng đei 5 'nu bơngai to\k bo\k oei jang lơ\m Hơp tak xăh tanh brai. Pơmai H'Yăm tơroi: Đơ\ng ro\ng đei pơtho ho\k tơ\ âu noh inh kiơ\ ho\k păng tanh brai, dui vai khăn đang kơ noh inh vih pơtho ăn đe oh inh. Oh inh 2 'nu ho\k bơih noh duh băt tanh. Pơtoi kơ noh pơtho ăn 2 'nu kon inh păng đe xư duh băt tanh brai ngăl. Kơlih lăp kơ tơdrong jang po, ăh vih tơ\ hnam jang mir na duh rơvơn bơih, noh inh pơgenh, ăh mơ\t jang lơ\m hơp tak xăh noh inh jang tơ\ âu păng xa jên khei, vih tơ\ hnam inh tanh hăm ti, oei tơ\ âu noh inh tanh hăm kơmăi.

          H'Phê Bê BKrông noh kon drăkăn pơmai H'Yăm, dang ei jing bơngai mơlôh hloh lơ\m Hơp tak xăh tanh brai. To\k bo\k oei ho\k xơnăm mă hơtuch tơ\ hnam trưng Cao đẳng sư phạm mă lei H'Phê Bê hlôi jang 4 xơnăm găh tanh brai. H'Phê Bê tơroi, pơmai đei me\ pơtho tanh brai đơ\ng mă 16 xơnăm, mă blu\ng noh yuơ 'meh hơlen đe\ch, mă lei ho\k bơih noh [ôh lăp noh pơmai hlôi năm ho\k lăm pơtho tanh brai kơ hơp tak xăh jang hadoi hăm hnam trưng cao đẳng pơtho tơdrong jang pơgơ\r. Truh to\k 18 xơnăm, pơmai hlôi kloh kle\ch tơdrong jang păng hlôi jing bơngai jang lơ\m hơp tak xăh tanh brai đơ\ng khei năr noh truh dang ei. H'Phê Bê tơroi, tơdrong jang âu hlôi tơgu\m ăn pơmai lơ tơdrong, pơm ăn pơmai pơ ư pơ ang găh tơmam tanh juăt jue, atu\m hăm noh pơm tơle\ch tơdrong io\k yua vă tơmơ\t lơ\m jên ho\k păng jên xo\ng xa lơ\m tơdrong oei ho\k tơ\ hnam trưng: Um pơdok lơ\m ao păng lơ\m hơbăn tanh noh inh băt ngăl bơih, oei pă um pơdok yơ inh tam mă lăh pơdok noh inh ưh kơ băt ôh. Kơlih rim um pơdok adoi đei tơdrong kăp g^t phara băl, hơnơ\ng noh inh tanh brai đe\ch ưh kơ băt tôm hơnăn đe krao pơdok ôh. Vă jang đei dôm tơdrong âu pơkăl athei pơ 'nam adrin, kơlih hăm minh 'nu lăp kơ tơdrong tanh brai noh tơpă ưh gơh jang đei ôh, noh adrol hloh kăl đei đon lăp păng 'meh vă vei răk tơ[ăk mong tơdrong juăt jue joh ayo\, hơbăn ao tanh kon kông po.

            Đei tơ iung pơjing đơ\ng xơnăm 2003, mă blu\ng Hơp tak xăh tanh brai Tơng Bông đei 10 'nu jang. Truh dang ei, kơso# bơngai to\k truh 45 'nu, ako\m đe pơmai oh Êđê đơ\ng dôm pơlei lơ\m xăh Ea Kao, plei tơm Buôn Ma Thuột. Tơdrong jang tơ\ Hơp tak xăh dang ei noh lơ trong: Tanh hăm ti, tanh hăm kơmăi, chă x^t pơjing tơmam drăm... Gơnơm đei lơ tơmam drăm, lơ tơdrong jang noh tơdrong io\k yua đơ\ng dôm bơngai jang dang ei roi năr roi xơđơ\ng, hơvơn đei lơ bơngai mơ\t jang lơ\m Hơp tak xăh. Tơdrong io\k yua hăm hơp tak xăh lơ\m xơnăm âu ki đei 1 tih 200 triu hlj, đei io\k yua hăm rim 'nu bơngai jang đơ\ng 3 triu – 3 triu 500 rơbâu hlj rim khei. Tơmam tanh kơ hơp tak xăh đei anih te\ch xơđơ\ng tơ\ Đăk Lăk, Đăk Nông păng Quảng Nam. Yak mơ\t lơ\m dôm 'năr pơm jang mă blu\ng lơ\m xơnăm 'nao, rim bơngai jang lơ\m hơp tak xăh adoi chơt hơ iă, hơpơi ăn minh xơnăm pơm jang hiôk hian păng đei yua lơ. Pơmai H'Dium Byă, jang lơ\m hơp tak xăh tơroi: Lơ\m xơnăm 'nao noh hơpơi đei tơdrong chơt hơ iă, xơđơ\ng ăn unh hnam, jơhngơ\m jăn grăng pran ăn rim bơngai jang. Atu\m hăm noh duh hơpơi tơdrong jang kơ Hơp tak xăh gô hơto\k hloh dơ\ng, pơtruh ăn tơmoi tơ\ lơ tơring vă đe ye\t băt truh dôm tơmam drăm yuơ hơp tak xăh pơm tơle\ch, đơ\ng noh tơgu\m ăn tơdrong jang te\ch pơdro, tơroi tơbang tơmam tannh đei gơh hiôk hian te\ch hlot.

          Vang jang lơ\m Hơp tak xăh, lơ pơmai oh bơngai Êđê tơ\ xăh Ea Kao, plei tơm Buôn Ma thuột hlôi đei tơdrong jang hơto\k io\k yua, pơm jang đ^ khei năr rơvơn. Atu\m hăm noh, tơdrong jang tanh brai păng tơmam tanh juăt jue ưh đei hiơt hiong kiơ\ xơnăm yăm kơ khei mă đei hơto\k tơguăt hăm tơdrong erih dang ei. Dôm jơhngơ\m pran noh tơgop hơto\k lơ đon bơnôh lăp kơ tơdrong jang, băt 'mêm kơ joh ayo\ juăt jue roi năr roi hơlêm hơto\k. Đơ\ng noh tơgop vă tơmam tanh kơ bơngai Êđê duh đei vei răk tơ[ăk mong păng tơmơ\t yua lơ\m tơdrong erih, pơ 'lơ\ng dơ\ng ăn tơdrong erih, ăn kon bơngai, ăn rim pơyan puih mak đơ\ng ro\ng kơnh.

Lan chih păng rapor