VOV4.Bahnar - Dak Lak tŏk bŏk yak mơ̆t lơ̆m khei ‘năr tŏ phang pơđang kơ pơyan phang sơnăm 2020-2021, pơtrŭh ŭnh hơyŭh kơtang. Kơ yuơ lơ lŏh, Dơnŏ anĭh jang ŭnh hơyŭh hlôi tơlĕch lơ trong jang pơm sơđơ̆ng ăn ŭnh hơyŭh hơnơ̆ng tơgŭm djru ăn iŏk yua lơ̆m hnam păng jang sa kơ kon pơlei păng hơnĭh mơdro sa. Vă sơđơ̆ng pơtrŭh ŭnh hơyŭh ‘lơ̆ng hơ iă lơ̆m pơyan phang, Kŏng ty hlôi atŏk kơtang tơgoăt dĭh băl hăm rim hơnĭh jang nao, hơmnet pơ ‘lơ̆ng dôm tơlei kơnê̆, chĭh hơlen dôm hơnĭh pơtrŭh kiơ̆ pơyan, mă kăl lơ̆m dôm tơdrong kăl tơgŭm ăn ƀôm đak tơruih ăn ‘long pơtăm vă pơjing trong jang pơtrŭh ŭnh hơyŭh trŏ ƀlep hăm tơdrong ‘mĕh vă yan au; hơnơ̆ng năm dăr lăng tơlei ŭnh hơyŭh, jĭh sơđơ̆ng tơlei ŭnh hơyŭh jăng. Găh rim hơnĭh bơ̆ jang găh lơ̆m Kŏng ty adoi atŏk kơtang bơ̆ jang dăr lăng hơlen tơdrong pơtrŭh ŭnh hơyŭh vă tơtom hơmet pơ ‘lơ̆ng păng hơmet ăn kmăi ƀiên ap pơ prŏ hơdrol vă sơđơ̆ng ăn pơtrŭh ŭnh hơyŭh sơđơ̆ng, hơnơ̆ng ăn kon pơlei iŏk yua lơ̆m dêh char.

Tơblơ̆ nơ̆r: Amazưt