VOV4.Bahnar - Lăp đơ̆ng rŏng dêh char tơbăt hơdăh đei bơngai tơpŏh jĭ Covid-19, Kong ty kmăi ŭnh hơyŭh Dak Lăk hlôi tơlĕch jang trong jang pơtrŭh ŭnh hơyŭh lơ̆m khei ‘năr tang găn jĭ. Đei iung jang đơ̆ng năr 10/5/2021.

Hơnĭh tơm bơ̆ jang pơtrŭh ŭnh hơyŭh Dak Lăk

Kiơ̆ kơ ‘nŏh, khŭl bơ̆ jang hơ nơ̆ng găh Dơnŏ anĭh tơm pơtrŭh Ŭnh hơyŭh Dak Lăk đei klăh asong jing 2 khŭl, tơplĭh dĭh băl bơ̆ jang kiơ̆ kơ giĕng. Lơ̆m au, 1 khŭl đei klăh 2 hơyŭh jang lơ̆m năr, ling lang hơmet ăn ‘lơ̆ng bơ̆ jang tơplĭh, tơgŭm djru dĭh băl. Ƀơ̆t jơ ư̆h kơ bơ̆ jang, rim bơngai jang au đei pơdơ̆h tơ̆ hơnĭh ăn oei hơdrô̆ lơ̆m hơnĭh bơ̆ jang. Tơdrong ăn oei hơdrô̆ khŭl bơ̆ jang pơtrŭh ŭnh hơyŭh au vă sơđơ̆ng ăn bơ̆ jang pơtrŭh ŭnh hơyŭh sơđơ̆ng ‘lơ̆ng hơ iă hơnơ̆ng tơ̆ hơnăp đei tơdrong jĭ covid-19 pơrăm kơtang.

Tơblơ̆ nơ̆r: Amazưt