VOV4.Bahnar – Kơtơ̆ng ang đơ̆ng Anih jang kơpal dêh char Đăk Lăk ăh pơgê (9/8), jô̆ truh tong anê̆ măng năr 24/7 truh dang ei (jơ 'năr mă plei tơm Buôn Ma Thuột păng Cư Kuin pơm kiơ̆ pơkăp oei ataih băl lơ̆m tơpôl vă tang găn păng tơjră pơrang jĭ Covid – 19 kiơ̆ Tơchơ̆t 16 đơ̆ng Khul kơpal teh đak), hlôi đei 390 'nu bơngai pơm yoch pơkăp tang găn păng tơjră pơrang jĭ. Kơsô̆ jên phak tơmơ̆t lơ̆m jên mong teh đak noh hloh 500 trĭu hlj. Lơ̆m noh, apŭng Cư Kuin đei 4 'nu ƀơm phak hrŭ hăm kơsô̆ jên 8 trĭu hlj; oei 386 'nu tơ̆ plei tơm Buôn Ma Thuột. Tơdrong phak hrŭ hăm dôm bơngai pơm yoch hlôi đei iŏk jang kơjăp, trŏ tơchơ̆t đơ̆ng khôi luơ̆t teh đak, đơ̆ng noh tang găn dôm tơdrong pơm yoch, tơbăt ăn rim bơngai athei pơm kiơ̆ ƀlep tơdrong tơchơ̆t oei ataih băl lơ̆m tơpôl vă tang găn păng tơjră pơrang jĭ Covid-19 tơ̆ tơring gơh đei jơnei kơjăp hloh.

Lan chih păng pơre nơ̆r