VOV4.Bahnar - Đơ̆ng ‘năr 2-10 truh ‘năr 6-10, dêh char Dak Lak sơng iŏk vă jê̆ 17.000 ‘nu kon pơ lei đơ̆ng plt Hồ Chí Minh vih tơ̆ tơ ring, lơ̆m kơ sô̆ âu đei lơ bơ ngai đĭ jrŭm mă 1 vắc xin tang găn jĭ COVID-19 bơih.

Vă jê̆ 5000 ‘nu bơ ngai vih tơ̆ Dak Lak ‘nao ƀet 1 jrŭm vắc xin

Lơ̆m kơ sô̆ vă jê̆ 17.000 ‘nu kon pơ lei vih tơ̆ Dak Lak đơ̆ng plt Hồ Chí Minh păng dôm dêh char găh Pơ băh, đei 68 ‘nu F0 đĭ hơ met klăih bơih, 1224 ‘nu bơ ngai ƀet 2 jrŭm vắc xin păng vă jê̆ 5 rơ bâu ‘nu bơ ngai ƀet 1 jrŭm vắc xin. Hăm vă jê̆ 5.000 ‘nu bơ ngai hlôi ƀet jrŭm mă 1 vih, pơm ăn tơ drong klăih song vắc xin đơ̆ng dêh char jing mơ mat tat.

Vă pơm ‘lơ̆ng ăn đĭ đăng bơ ngai hlôi đei ƀet vắc xin tang găn jĭ COVID -19 jrŭm 1 đei ƀet dơ̆ng jrŭm 2 trŏ khei ‘năr hơ găt, Dak Lak vă chih jô̆ kơ sô̆ jrŭm hlôi ƀet kiơ̆ kơ loăi vắcxin, đơ̆ng nŏh đei hla ar apinh Khul kơ dră tĕh đak tơ gŭm dơ̆ng vắc xin mă lăp.

Dơ̆ng: Tơ blơ̆