VOV4.Bahnar - Lơ xơnăm kơ âu, Khul bơ\ jang tơgu\m tơpôl kơ tơring Tân Tiến, plei tơm Buôn Ma Thuột, dêh char Dak Lak hlôi tơgu\m hloh dôm j^t ‘nu bngai giêng et [et hơ\t xì ke ma túy erih xđơ\ng atu\m lơ\m tơpôl. Kiơ\ đơ\ng noh tơgop atu\m hăm jơnu\m pơgơ\r tơring vei xđơ\ng tơpôl, xut le# pơngot tơjur hin dơnuh.

Dôm xơnăm adrol ki, ‘măng hnam [ok Sơn Siển, tơ\ kueng kpho# 4, tơring Tân Tiến, plei tơm Buôn Ma Thuột, lai yơ duh tang rơ heng kơ kot, tơdrong erih lơ\m unh hnam pơxuơ\k pơxuơ\l. Tôm tơdrong yuơ đơ\ng kon dro\ nglo Sơn Lâm - kon dro\ nglo ‘nao tih vơ\ kơ [ok kiơ\ bôl boăl đon bơnôh ‘me#, giêng et hơ\t xì ke ma tuy\. {ok Sơn Siển ăn tơbăt: Hrat hăm tơdrong giêng, athei chă trong vă đei jên răt hơ\t pơgang noh Sơn Lâm tro\ đe rôp 2 ‘măng yuơ tơtông tơmam đe. Mơ\t le\ch đơ\ng hnam phak, mă lei Lâm duh ưh kơ ke\ yak hloh kơ tơdrong pơhlu\ lôch bngai đơ\ng ma tuy\. Truh ăh khei 8/2010, gơnơm adrin tơre\k tơgu\m đơ\ng Khul hơdruh tơdăm jang tơgu\m tơpôl kơ tơring Tân Tiến mă kdră Khul noh ‘nho\ng Nguyễn Văn Tần, 5 xơnăm kơ âu, Lâm hlôi pơdơh hlo\ng hloi ưh kơ đei et ma tuy\ bơih, pơ ‘nam pơm jang jing bngai dơnưp ‘lơ\ng. {ok Sơn Siển tơroi: Adrol ki Sơn Lâm giêng et hơ\t xì ke ma tuy\, pơm yoch âu to, unh hnam inh pă ke\ iung bơih, mă lei gơnơm đei Khul jang tơgu\mt ơpôl kơ tơring păng mă g^t noh ‘nho\ng Tần năm truh hơlêm pơtho akhan đunh kơ noh Lâm hu\t le# hloi tơdrogn et [et ma tuy\, pơ ‘nam pơm jang noh jing tơdrong xo# hơ\k hloh lơ\m unh hnam inh.

Sơn Lâm jing minh lơ\m kxo# bngai đei Khul jang tơgu\m tơpôl tơring Tân Tiến tơgu\m klaih đơ\ng pơgang ma tuy\ lơ\m 7 xơnăm kơ âu. Mă lei, vă ke\ đei jơnei âu noh jing tơdrong adrin ưh kơ băt gleh lap đơ\ng 7 ‘nu jang lơ\m Khul atu\m hăm tơdrong tơgu\m đơ\ng unh hnam bngai giêng păng tơpôl. ‘Nho\ng Nguyễn Văn Tần ăn tơbăt: Dôm bngai mă hlôi kơ drơih jơ\ng giêng he# et [et ma tuy\ noh hơnơ\ng kơ khenh, ưh kơ hli yă kiơ ôh. Đei bngai noh yuơ đơ\ng kơdơ\ mơlâu. Yuơ noh vă hơlêm đe xư, rim bngai jang tơgu\mt ơpôl athei pơm kiơ\ pơkăp: adrin, dăp đon dăp bơnôh, ưh kơ đei tơklăh oei xa, vang glơng dôm tơdrong tơnap tap. Hloh kơ noh, vă dôm bngai mă đơ\ng ro\ng kơ gơ\t et [et ma tuy\ le# hlo\ng hloi tơdrong chă et ma tuy\ dơ\ng, tơdrong kăp g^t hloh noh duh athei chơng trong ăn đe xư đei tơdrong pơm jang, axong ăn đe xư minh tơdrong jang tro\ [lep. ‘Nho\ng Nguyễn Văn Tần tơroi: Tơdrong hơlêm lơ hloh hăm boăl mă đơ\ng ro\ng kơ gơ\t et ma tuy\ noh unh hnam, tơpôl vă đei jơhngơ\m pran, đon lui chôt vih hăm tơdrong erih lơ\m tơpôl noh ba athei chă lơ trong ăn đe xư ho\k [oi păng đơ\ng ro\ng kơ noh gơh chă đei tơdrong jang vă kơdih chă jên rong dơh po, kiơ\ đơ\ng noh tơplih tơdrong erih đon kơche\ng ăn đe xư tơnăp hloh.

Đơ\ng tơdrong kơche\ng noh, Khul jang tơgu\m tơpôl tơring Tân Tiến hlôi pơdrơ\ng tơre\k hăm dôm anih pơtho tơdrong jang, anih jang kăl bngai jang vă dôm bngai đơ\ng ro\ng kơ gơ\t et ma tuy\ gơh chă ho\k pơhrăm păng bơ\ jang. Truh dang ei, đei 16 ‘nu bngai đơ\ng ro\ng kơ gơ\t et ma tuy\ đei tơdrong jang xđơ\ng, đei xa jên khei jang 3 triu hlj minh khei. Đơ\ng jên mong tơgu\m hơdruh tơdăm  pơtơm iung jang kơ Đoàn hơdruh tơdăm Cộng sản Hồ Chí Minh dêh char Dak Lak, 2 xơnăm kơ âu, Khul jang hlôi pơ ‘lơ\ng đei hloh 50 ‘nu kơdrơih jơ\ng hram lơ\m ma tuy\, pơjing 2 anih jang pơm kơdu\ng ‘măn pơkao pơ ro\, rong hloh 200 to\ ier, 20 to\ nhu\ng bri păng pơtăm đei 400 kơ bo#i pơkao te\ch ăh tết. Đơ\ng dôm tơdrong jang kăp g^t noh hlôi pơm ăn lơ bngai gie\ng ma tuy\ đơ\ng anih ưh kơ ‘meh mơ\ng hlôi kơdih năm tơchă truh dôm bngai jang tơgu\m tơpôl hăm tơdrong tơchơ\t kho\m mă gơ\t et ma tuy\. Hơ iă hloh noh [ơ\t đei lơ bngai đơ\ng ro\ng kơ pơdơh et ma tuy\ noh dăp đon dăp bơnôh apinh jang lơ\m Khul tơgu\m tơpôl vă năm chă tơgu\m dôm bngai mă hlôi hơyak yoch kơ trong nhen kơdih po. Hơdăh nhen Nguyễn Mai Đình, oei tơ\ kueng 2, tơring Tân Tiến. ‘Nho\ng giêng et ma tuy\ lơ\m 3 xơnăm, xơnăm 2013 gơnơm đei tơdrong hơlêm tơgu\m đơ\ng Khul jang tơgu\m tơpôl noh ‘nho\ng mă ke\ yak hloh prơih le# tơdrong giêng ma tuy\ vă erih hơ iă lơ\m tơpôl. ‘Nho\ng Đình ăn tơbăt: ‘Ngoaih kơ tơdrong ako\m pơro\ hơdru\ng pơkao, inh oei pơtru\t kueng [ôt mă hlôi giêng ma tuy\ hơlen lăng inh âu vă đơ\ng noh klaih đơ\ng tơdrong giêng kne# knôt âu. Băt kơdih po duh ưh kơ đei tơdrong rơgei kiơ găh tơdrong âu mă lei ba duh athei hơlên hơvơn đe xư, bu băt băi kơnh đe xư chă tơche\ng ol bral păng gô đei tơdrong erih hơ iă hloh.

 Atu\m hăm tơdrong tơgu\m dôm bngai giêng ma tuy\ păng đơ\ng ro\ng kơ gơ\t ma tuy\, dôm bngai jang lơ\m Khul jang tơgu\m tơpôl oei năm tơjra#m pơma dơnuh hăm dôm bngai hiôk chă mơ\ng kiơ\ đe et ma tuy\. Kiơ\ đơ\ng noh, tơgop pơm tơjur [iơ\ tơdrong đei bngai giêng ‘nao. Tơdrong jang đơ\ng Khul jang tơgu\m tơpôl tơring Tân Tiến hlôi păng to\k bo\k tơgop tang găn păng tơpuh le# tơdrong kne# ma tuy\, vei xđơ\ng tơpôl tơ\ tơring. {ok Trần Anh Đức, Pho\ kdră Anih vei lăng kon pơlei tơring Tân Tiến, plei tơm Buôn Ma Thuột tơroi: Khul jang tơgu\m tơpôl pơm jang ưh kơ đei ang bang, dôm tơdrong hơlêm pơtho dôm bngai đơ\ng ro\ng kơ gơ\t et ma tuy\ vă chôt vih erih xđơ\ng hăm tơpôl, atu\m băl pơm jang ato\k mu\k drăm, vă dăh hiơt pơđ^ dôm tơdrong kne# găh ma tuy\. Noh jing um ru\p jang mă bơ\n kăl pơih xă.

 Tơgu\m bngai giêng prơih le# ma tuy\, vih erih xđơ\ng hơ iă lơ\m tơpôl jing tơdrong jang ưh kơ đei hiôk ôh, mă lei hăm tơdrong dăp đon dăp bơnôh, yuơ tơpôl kon pơlei, băt tơmơ\ng bngai nai păng tơdrong adrin đơ\ng dôm bngai jang lơ\m Khul jang tơgu\m tơpôl tơring Tân Tiến, plei tơm Buôn Ma Thuột, dêh char Dak Lak to\k bo\k đei tơdrong tơgop kăp g^t, jing khul pơm jang ưh kơ gơh k[ah lơ\m tơdrong tơgu\m bngai giêng ma tuy\ chôt vih erih hơ iă lơ\m tơpôl.

Lan chih păng rapor