VOV4.Bahnar - Hơnơ̆ng ăn tơgop nơ̆r găh rim tơdrong tơ̆ ‘măng hop akŏm mă 2, Kuô̆k hô̆i jăl 15, lơ̆m năr 22/10, lăp đơ̆ng rŏng mơ̆ng tơbăt trong vă pơjing Tơdrong tơchơ̆t găh trong jang kăl atŏk tơ iung kơ rim dêh char, pơlei tơm: Hải Phòng, Nghệ An, Thanh Hóa păng Thừa Thiên Huế păng Hla bơar chĭh tơbăt bơ̆ jang dăr lăng găh trong vă pơjing Tơdrong tơchơ̆t găh mĭnh ƀar trong bơ̆ jang, trong tơgŭm gĭt kăl atŏk tơ iung kơ rim dêh char au, Khŭl Kơdră tang măt Kuô̆k hô̆i dêh char Dak lăk hlôi pơma dơnŭh, lăp đon păng drơ̆ng nơ̆r hăm tơdrong au.

Khŭl kơdră tang măt Kuô̆k Hô̆i Dak Lăk pơma dơnŭh rim tơdrong đei ƀơm trŭh tơdrong tơchơ̆t trong bơ̆ jang kăl ăn rim tơring

Adoi đei nơ̆r tơgop lơ̆m tơdrong ‘nau. Khŭl kơdră tang măt Kuô̆k hô̆i dêh char Dak Lăk akhan, dôm tơdrong pơtrŭh ăn đơ̆ng Khŭl kơdră tĕh đak sơđơ̆ng tơdrong kăl hlŏh. Rim hla bơar bơ̆ jang pơtrŭh ăn tôch lăp. Tơdăh tơdrong Tơchơ̆t đei pơdrơ̆ng kiơ̆ gô pơjing rơvơn ăn rim tơring atŏk tơ iung ‘lơ̆ng hơ iă dôm tơdrong mă kơ dĭh đei. Mă lei, mư̆h pơdrơ̆ng kiơ̆ rim tơdrong tơchơ̆t, kăl lăng kơ jăp trŭh tơdrong tơlĕch jang kiơ̆.

Tơblơ̆ nơ̆r: Amazưt