VOV4.Bahnar - Kiơ̆ kơ Anih pơ gơ̆r tang găn ‘mi kial pơ răm dêh char Dak Lak, ƀơm kơ nê̆ đơ̆ng ‘mi kial hơ bŭt kơ sô̆ 5 păng kial pơ yan pơ mơ̆t pơ băh dôm năr âu ki hlôi pơm đak lơ̆p tơ̆ 1,2 tơ ring păng teh hơ lih pơ nơ̆ đak krong găh trong năm tơ̆ 2 xăh Nam Ka-Ea Rbin (apŭng Lăk). Dêh char hlôi athei rim anih jang, rim tơ ring hơ tŏk loi dơ̆ng dôm trong jang hơ met tôm tơ jră hăm ‘mi kial pơ răm, mă loi ‘noh jĭ lơ̆m tơ drong jĭ hơ buh covid-19 tŏk bŏk đei ƀôh krê hơ mơt, vei sơ đơ̆ng hơ kâu jăn păng tang găn ƀiơ̆ hiong răm mŭk drăm kơ kon pơ lei.

Rim anih jang, tơ ring dăr hơ len, chih tơ roi, tơ mơ̆t dơ̆ng dôm trong jang tang găn ‘mi đak tih lăp hăm tơ drong yan âu kiơ̆ trong jang 4 kơ tă anih, mă loi ‘noh jĭ tơ̆ hơ nih tơ drong jang tơm găh đak lơ̆p, hơ mơt kơ đei ƀôh teh hơ lih kơ tang, teh tơ drŭt. Anih pơ gơ̆r tang găn ‘mi kial pơ răm păng tơ chă dŏng sar bar Dak Lak tơ băt, dêh char hlôi hơ met tôm hloh 180 khŭl iung jang tơ̆ tơ ring vă tơ tĕnh tơ jră mưh đei ƀôh ‘mi kial pơ răm.

Thuem: Tơ blơ̆