VOV4.Bahnar - Kơmăng âu, Lêh ako\m Cà phê Buôn Ma Thuột – Đak Lăk ‘măng mă 7 pơtơm. Dôm năr kơ âu, kon pơlei păng anih jang mu\k drăm hăt hot xơng Lêh ako\m hăm tơdrong hơpơi pơtoi jing anih hơto\k ăn tơdrong jang  cà phê Việt Nam hơto\k pran hloh, dru\t kơtang tơdrong jang te\ch pơdro – tơmang pơhiơ\ tơ\ dêh char Đak Lăk pơma adro# păng tơring Tây Nguyên pơma atu\m.  

Minh lơ\m dôm tơdrong jang tơm kơ lêh ako\m ‘măng mă âu noh jing kơmăng pơtơm đei pơgơ\r krên dên ăh kơmăng âu kiơ\ hơnăn “Ako\m tơdrong rơgei kơ bri kông”. Tơdrong tơroi tơm kơ lêh ako\m tơm noh xơkơ\t um ru\p kơ tơring “Đak Lăk – Anih truh ako\m kơ cà phê apu\ng plenh teh”. {ok Hoàng Nhật Nam, kơdră dơnơm pơgơ\r tơdrong pơtơm lêh ako\m cà phê Buôn Ma Thuột tơroi: “Tơdrong ako\m gô đei 3 chăl. Inh pơkăp chăl mônh noh Teh păng đak  Ban Mê krao hơvơn; Chăl [ar noh kial păng unh groi kông hơvơn nơ\r păng chăl pêng noh ako\m tơdrong rơgei bri kông. Hăm đon kơche\ng bri kông graxia, inh hlôi rơih lơ\m 4 tơdrong kăp hloh noh teh, đak, kial, unh, 4 tơdrong tơm kơ plenh teh duh tơguăt hăm tơdrong erih kon pơlei Tây Nguyên păng mă kăl noh hăm tơdrong erih xa, hơto\k tơ iung kơ tơm cà phê. Hăm pơkăp kơ po atu\m hăm anih jang Pro Event gơh ako\m lơ tơdrong pơdăh răh rai, dôm tơdrong ako\m găh unh pơchră, tơdra aloa âu to. Vă ăn bơngai lăng gơh đei minh kơmăng pơtơm lêh ako\m chơt hơ iă păng kăp g^t hloh”.

Lêh ako\m cà phê Buôn Ma Thuột ‘măng mă 7 pơtơm pơgơ\r đơ\ng năr 9 truh năr 16/3, mă lei dôm năr kơ âu, lơ tơdrong jang hlôi đei pơgơ\r vă hơvơn tơmoi păng kon pơlei truh ako\m. “Đường sách cà phê Buôn Ma Thuột”- minh lơ\m dôm anih ako\m hơdăh hloh kơ lêh ako\m đei lơ bơngai truh, đei io\k tơdrong băt ‘mêm đơ\ng khul mơlôh, kon pơlei tơ\ tơring.

Tơ\ anih pơdăh tơmam xo tơmam drăm cà phê apu\ng plenh teh, anih pơgơ\r pơdăh hơnăn “Pơdăh tơdrong jang cà phê apu\ng plenh teh”, duh hlôi kơchăng axong năm tơmang ưh io\k jên ăn tơmoi... Yă Võ Thị Hà Giang, Kơdră anih jang tơroi tơbăt kơ anih jang Trung Nguyên, anih jang mu\k drăm ming man anih pơdăh âu ăn tơbăt:  “Lơ\m lêh ako\m âu, kơdih anih pơdăh tơmam drăm kăp g^t kơ Trung Nguyên duh xơkơ\t minh tơdrong ang bang kăp g^t păng tơgop rim kơjă joh ayo\. Trung Nguyên gô đei tơdrong tơgu\m axong ve\ hơvơn năm tơmang tơ\ âu ăn kon pơlei Buôn Ma Thuột păng tơ\ dôm tơring nai. ‘Nguaih kơ noh  oei đei kơph^u tơjur kơjă, oei axong ăn tơmam hăm tơdrong hơpơi anih pơdăh cà phê apu\ng plenh teh lơ\m pơkăp Lêh ako\m âu tơpă jing anih truh tơmang.”

Lơ\m minh gie\ng pơgơ\r lêh ako\m plei tơm Buôn Ma Thuột păng rim anih pơgơ\r ako\m lêh gô xơng lơ tơmoi truh đơ\ng ja#p tơring lơ\m teh đak bơ\n păng đơ\ng teh đak đe truh ako\m. {ok Vũ Văn Hưng, Pho\ kơdră Anih vei lăng kon pơlei plei tơm Buôn Ma Thuột ăn tơbăt, vă vei xơđơ\ng ăn kon pơlei tơ\ tơring păng tơmoi đei đon kơche\ng ‘lơ\ng hăm Buôn Ma Thuột lơ\m lêh ako\m âu, tơdrong jang hơmet đei plei tơm tơre\k kăp g^t: “Plei tơm hlôi kơdih pơm jang đơ\ng je# đ^ xơnăm 2018 lơ\m chă hơmet tơring kơdra#m hlôi keh đang 50 jăl trong lơ\m plei tơm. Mă [ar noh hơmet tơdrong te\ch pơdro kiơ\ jih trong. Truh dang ei, um ai tơring kơdra#m hlôi tơplih hơdăh. Đơ\ng năr 1/3 noh gre chơ tơmam trăp hloh 10 tân păng gre chơ tơmoi đơ\ng 30 anih oei to\k tơ\ kơpal noh ưh axong mơ\t lơ\m plei tơm vă vei xơđơ\ng trong nơnăm lơ\m tơring kơdra#m. ‘Nguaih kơ noh, nhôn hlôi tơroi tơbăt păng tơle\ch jang hăm kon pơlei plei tơm gô yuk kiơ\ tơdrong ako\m cà phê hăm tơdrong, rim ;nu kon pơlei noh chơng tơroi ăn tơmoi truh tơmang tơ\ rim anih tơmang pơhiơ\ păng chă et xa tơmam xa kơ plei tơm Buôn Ma Thuột.”

Hăm tơdrong hơmet tơnăp đơ\ng jơnu\m pơgơ\r tơring, rim anih jang mu\k drăm truh hăm Lêh ako\m cà phê Buôn Ma Thuột ‘măng mă âu, pơkăp tơmoi gô đei ako\m lơ\m tơdrong kăp g^t, đei huch rim kơli cà phê ‘lơ\ng rơgoh, đei hram dơh po lơ\m um ai joh ayo\ tơdra ching chêng jing Mu\k drăm joh ayo\ kăp g^t kơ kon bơngai, mă kăl noh đei hram dơh po lơ\m kơmâu pơkao cà phê kok tơbu\k tơ\ rim mir pơgar păng hrau dơh po lơ\m cham char ‘lơ\ng ro\ kơ hơgăt teh to# kial tơring Tây Nguyên.

Lan chih păng rapor