VOV4.Bahnar  – Yak ăh pơyan 'mi kial, atŭm hăm tơdrong hơnơ̆ng hơlen trong tơlei dui unh hơyuh, Anih jang Unh hơyuh Đăk Lăk hơmet tơmam drăm, kơmăi kơmŏk vă tơjră.

Anih jang duh hlôi akŏm đang khul jang tang găn păng tơjră 'mi kial, chơ chă tơgŭm dŏng xar bar đei 40 'nu, tenh kuăng xek tơlang dôm tơdrong răm găh unh hơyuh. Ƀok Lê Văn, kang ƀô̆ juăt jang anih Vei xơđơ̆ng, Anih vei lăng Unh hơyuh Đăk Lăk ăn tơbăt:  “Lơ̆m tơring Đăk Lăk noh đei kial phŭt huơ̆r blŭng pơyan, đang kơ noh dôm tơring tơ̆ apŭng Krông Ana, Krông Bông, Cư Kuin, Krông Pách dôm xơnăm kơ âu hơnơ̆ng ƀơm đak lâ̆p, păng tơring 'mi kial phŭt huơ̆r nhen Ea Súp, Buôn Đôn…, noh nhôn hlôi tơlĕch trong jang tơ̆ tôm anih kăl vă pơjing trong tơlei xơđơ̆ng lơ̆m pơyan 'mi kial. Păng ưh adrô̆ dôm anih tơm, mă tơ̆ tôm tơring noh Anih vei lăng Unh hơyuh Đăk Lăk hlôi đei dôm trong jang hơdăh, hơmet răt tơmam drăm kăl duh nhen bơngai jang, pơgang, păng dôm trong jang vă tơgŭm dŏng atŭm hăm dôm anih jang hadoi, jơnŭm pơgơ̆r tơring, vă kơchăng pơm jang păng tơgŭm tơtom ƀơ̆t đei 'mi kial phŭt hưŏr pơrăm”.

Lan chih păng pơre nơ̆r