VOV4.Bahnar  – Rim Anih jang, jơnŭm pơgơ̆r tơring vei xơđơ̆ng dôm tơdrong kăl ăn 'măng pơlong tôt ngĭp trung hŏk phôh thŏng tơ̆ Đăk Lăk gơh đei xơđơ̆ng, tơnăp, trŏ hăm tơchơ̆t păng pơm trong hiôk hloh ăn bơngai pơlong, mă kăl noh lơ̆m khei năr pơrang jĭ COVID-19 tŏk bŏk hơbuh hli, âu jing tơdrong tơm đei pơkăp lơ̆m tơdrong hop akŏm Jơnŭm pơgơ̆r pơlong tôt ngĭp THPT xơnăm 2021 dêh char Đăk Lăk pơgơ̆r ăh kơsơ̆ năr 2/6.

           'Măng pơlong tôt ngĭp trung hŏk phôh thŏng xơnăm 2021 tơ̆ Đăk Lăk đei hloh 19.800 'nu pơlong chih măt akŏm tơ̆ 32 anih pơlong, hăm hloh 830 lăm pơlong. Truh khei năr âu, jâ̆p dêh char xơkơ̆t đei 2 'nu pơlong noh F1 păng  39 'nu noh F2, tôm bơngai âu oei tơ̆ apŭng Ea Hleo. Hăm kơsô̆ bơngai pơlong kơdrâ̆m atŭm hăm pơrang jĭ Covid 19 tŏk bŏk oei hơbuh hli, Jơnŭm pơgơ̆r pơlong hlôi pơkăl Anih Pơtho Pơhrăm jang hadoi hăm dôm anih jang đei tơrĕk, jơnŭm pơgơ̆r tơring pơgơ̆r Pơlong xơđơ̆ng, tơnăp 'lơ̆ng lơ̆m tôm tơdrong pơgơ̆r chih măt pơlong truh ăh pơlong păng xơkơ̆t tôt ngĭp Trung hŏk phôh thŏng. 

Lan chih păng pơre nơ̆r