VOV4.Bahnar - Yua kơ ƀơm ưh kơ ‘lơ̆ng đơ̆ng kial hơ bŭt kơ sô̆ 5, 1,2 tơ ring kơ dêh char Dak Lak đei ‘mi tih, pơm ăn đak lơ̆p. Tơ̆ apŭng Lăk, 1 lơ̆m dôm tơ ring jang ƀa tih hloh kơ dêh char, hlôi đei 230hek tar đei đak lơ̆p jrŭ, kon pơ lei tŏk bŏk hăt hot yuă ƀa pơ jei hăm đak tih.

Ƀok Nguyễn Viết Quang, kơ dră anih vei lăng găh choh jang păng hơ tŏk tơ iung tơ ring tơ rang apŭng Lắk tơ băt, đak đơ̆ng tu ro hrĕnh kiơ̆ đak krong Krông Na păng rim đak glung tih nhen Đắk Phơi, Đắk Liêng, pơm ăn kơ hrĕng hek tar ƀa đei đak lơ̆p, akŏm tơ̆ 3 xăh Đắk Liêng, Buôn Triết, Buôn Tría păng tơ chĕng hơ drol hơ găt chŭn na đak lơ̆p gô oei tŏk hrĕnh.

Kon pơ lei tong hơ kâu lơ̆m đak yuă ƀa pơ jei hăm đak tih

Anih jang kơ pal hlôi jang hơ dai hăm Anih vei lăng kon pơ lei rim xăh Buôn Tría, Buôn Triết păng Đắk Liêng bơ̆ jang chih jô̆ hơ len dôm hơ găt chŭn na đei hiong răm vă đei gơh tơ gŭm kiơ̆ tơ drong tơ chơ̆t 02 sơ năm 2017 đơ̆ng Khŭl kơ dră teh đak.

Thuem: Tơ blơ̆