VOV4.Bahnar - Dêh char  Dak Lak đei hloh 220 ‘nu bngai  Việt hdrung  Lào to\k bo\k oei erih pơm jang, ako\m mă tơm noh noh tơ\ xăh Krông Na, apu\ng Buôn Đôn, Dak Lak. Đơ\ng xơnăm 2013 truh dang ei, lêh ako\m Bun Pi May – Lào đei pơgơ\r kiơ\ xkơ\t rim xơnăm hlôi tơgop lơ\m tơdrong vei răk tơ[ăk mong um ai joh ayo\ kơ dôm hdrung hdre\ch Lào, vih hơmet dôm tơdrong joh ayo\ ‘lơ\ng ro\ mă je# hiơt hiong [ơ\t lu xư truh erih tơ\ tơring teh ‘nao.

“BunPiMay” kiơ\ nơ\r Lào dang vă akhan “Tết xơnăm ‘nao”, jing tết juăt joe kơ dôm hdrung hdre\ch Lào. Yuơ tơdrong khop Phật jing tơdrong khop tơm kơ teh đak Lào noh adrol ki BunPiMay đei pơgơ\r lơ\m pơđ^ khei 5 kiơ\ phật lịch. Vă tro\ [lep hăm tơdrong erih ‘nao, dang ei tết Lào đei pơgơ\r đơ\ng năr 13 truh năr 16/4 dương lịch rim xơnăm, păng jing lêh ako\m tih hloh lơ\m xơnăm.  

Lơ\m ‘măng ako\m BunPiMay, đei lơ lêh ako\m atu\m đei pơgơ\r, minh lêh ako\m adoi jing kăp g^t adro# găh đon lui. Adrol hloh noh lêh ako\m  “Xày bạt – Tắc bạt”, dang vă akhan “plang tơmam – io\k tơmam”, kon pơlei plang tơyông, tơmam, [anh ke\o ăn dôm [ok Sư, vă tơbang tơdrong ku\p yom păng io\k đei nơ\r thơ thâu xơnêp xơnoa. Pơtoi kơ noh, dôm [ok thây Sư xoi plang, khopa pinh hăm êbiang tơdrong khop Phật kơ teh đak Lào, pơgơ\r lêh tơhiu unh, tơhiu tho\ng  - vă dôm tơdrong ưh kơ pu\n ai ro pơđ^. Bngai Lào lui, tho\ng hăm hơdru\ng unh pơkao gô tơhiu kiơ\ thong đak, ‘nhăk pơđ6 dôm tơdrong ưh kơ pu\n ai, vă xơng minh xơnăm ‘nao ‘lơ\ng ro\ hloh. {ok  Y Lươm Knul, pho\ kdră anih vei lăng kon pơlei xăh Krông Na tơroi:“Lêh ako\m Bunpimay jing lêh ako\m kăp g^t hloh hăm bngai Lào. Đei lơ lêh ako\m nhen lêh tơhu\m um [ok phật, đang kơ noh lêh cho# brai ăh ko\ng ti, khop apinh ăn xơnêp xơnoa, grăng hơkâu, đang kơ noh tơhiu pơkao tơ\ đak. Tết juăt joe âu kơ bngai Lào noh vă kơdih po xơng minh xơnăm ‘nao hăm dôm tơdrong ‘nao hloh, ‘lơ\ng ro\ hloh, ăn rim bngai tơjra#m pu\n ai hloh”.

Lơ\m năr tết BunPiMay kơ bngai Lào, tơmoi truh joă teh mă blu\ng noh đei tơ ‘ngla hnam cho# djoi brai ăh ko\ng ti, pơtih ăn kơ nơ\r thơ thâu grăng pran păng xo# xôn. Dôm bngai cho# brai ăh ti noh athei 3 năr đơ\ng ro\ng ‘mơ\i mă gơh yaih, vă đei io\k dôm tơdrong pu\n ai, grăng pran păng jơnap lơ\m prăt xơnăm.

Chơt hơ iă păng ang bang hloh lơ\m ‘măng âu noh lêh ako\m “Bun Hốt Nậm” – Lêh ako\m kxăi đak. Lơ\m kplăh ako\m lêh âu, bngai mơlôh kxăi đak tơ\ bngai ‘lo\ vă tơbang tơdrong ku\p yom, apinh hnơi tơdrong grăng pran, erih xot păng jơnap xo# xôn; bôl boăl kxăi đak hăm dih băl vă apinh ăn xơnăm ‘nao ‘lơ\ng hơ iă xơnêp xơnoa. {ok Hồ Quyết Chí, bngai Lào oei tơ\ pơlei Trí A, xăh Krông Na tơroi:“Khôi kxăi đak kơ bngai Lào âu noh đei đơ\ng kră xơ\ bơih. Kxăi đak vă rim bngai gơh erih jơnap xo# xôn. Apinh ăn dôm bngai erih tơ\ teh đak Lào, đơ\ng ie\ khe\ kră, dro\ nglo drăkăn adoi gơh jơnap xo# xôn păng erih xơnêp xơnoa”.

Pơtôch lêh ako\m kxăi đak, rim bngai adoi hơ iuch pơđ^ mă lei rim bngai ako\m adoi xo# hơ\k, kơlih đe ye\t lui ngeh, roi đei lơ bngai kxăi đak lơ\m hơkâu jăn po noh đe xư roi đei io\k lơ tơdrong pu\n ai păng jơnap lơ\m xơnăm ‘nao.

‘Măng mă vang truh hăm lêh ako\m BunPiMay tơ\ Việt Nam, yă Xạ Thả Phon Sư Nôn Tạt, tơmoi đơ\ng teh đak Thái Lan, jing bngai hdrung Lào ăn tơbăt, yă chơt hơ iă păng [ôh pơ ư pơ ang kơ hdrung hdre\ch po, kơlih mă ba erih tơ\ hơgăt teh ‘nao mă lei đe ye\t adoi oei răk vei khôi juăt joe ‘lơ\ng ro\ kơ pơlei pơla: “Inh [ôh tơ\ Việt Nam, bngai Lào tơ\ âu mă đei lu\k lơ\k găh tơdrong joh ayo\ mă lei duh oei răk vei um ru\p joh ayo\ duh nhen lơ khôi juăt joe kơ hdrung hdre\ch po. Inh [ôh phiơk kơ jơhngơ\m tơpă kơlih mă oei tơ\ hơgăt teh ‘nao mă lei đe ye\t adoi oei răk vei păng pơgơ\r lêh ako\m joh ayo\ juăt joe kơ hdrung hdre\ch đơ\ng kră xơ\”

Hăm tơdrong adrin đơ\ng jơnu\m pơgơ\r tơring Buôn Đôn păng Jơnu\m jang tơbôl Việt Nam - Lào dêh char Dak Lak, BunPiMay hlôi đei pơgơ\r hơnơ\ng lơ\m 3 xơnăm tơje# âu, tơgu\m ăn kon pơlei Lào tơ\ tơring đei ‘măng erih lơ\m tơdrong joh ayo\ juăt joe kơ hdrung hdre\ch po. ‘Ngoaih kơ lêh ako\m  BunPiMay ăh khei 4 rim xơnăm, Jơnu\m jang tơbôl Việt Nam – Lào dêh char Dak Lak oei pơih lăm ho\k găh tơdra kră xơ\, pơtho hri tơdra hri kră xơ\ kơ teh đak Lào ăn kon pơlei. Yuơ noh, joh ayo\ Lào tơ\ Dak Lak, mă to\k bo\k hiơt hiong đơ\ng ro\ng kơ hre\ng xơnăm kon pơlei truh oei tơ\ tơring teh ‘nao, dang ei hlôi ang bang bơih; pơm pơro\ hloh tơdrong erih đon bơnôh kơ dôm hdrung hdre\ch lơ\m dêh char, atu\m hăm noh tơgop vă tơbôl tơguăt tơguăl Việt Nam – Lào roi năr roi kơhret tơguăt kjăp đunh đai.

Lan chih tơblang păng rapor