VOV4.Bahnar - {ôh mơ nat tơ\ hơ năp tơ drong mơ mat tat đơ\ng kon pơ lei tơ\ tơ ring kơ dih kâu bơ\ jang, Trung úy Nguyễn Trung Hải, kăn [o# krao hơ vơn kon pơ lei kơ An^h che\p kơ\l pơ gơ\r khul linh apu\ng Cư M'gar găh An^h che\p kơ\l khul linh dêh char Dak Lak adrin krao hơ vơn rim khul gru\p jang tơ gu\m, bơ ngai đei đon ‘lơ\ng tơ gu\m jên, tơ mam drăm ăn kon pơ lei tơ\ âu. Đơ\ng kơ so# jên mong ako\m đei, 10 unh hnam đei tơ gu\m man hnam, dôm j^t ‘nu bơ ngai j^ tơ nuh đei jên hơ met j^, lơ unh hnam mơ mat tat đei hơ păh ăn hơ dre\ch ‘long, kon yo\ng. 

Rơ ne\h păng arih xa truh ‘lo\ tơ\ Cao Bằng, Trung úy Nguyễn Trung Hải ‘me\h pơm [ô đo#i đơ\ng oei ‘lơ\p. Đơ\ng ro\ng kơ ho\k đang lăm 12, pha hăm bôl boăl jơ hnơr sư chă rơih ho\k tơ\ dôm hnam trưng đăi ho\k, cao đẳng, Hải chih hla ar ap^nh năm pơm linh, păng jing linh hle tơ\ Tiểu đoàn pơ tâp pơ hrăm 303 găh Trung đoàn 584, An^h che\p kơ\l pơ gơ\r khul linh dêh char Dak Lak.

Dang 200 kơ suât ho\k [o\ng đei hơ păh ăn ho\k tro tơ nuh adrin ho\k đơ\ng Trung úy Hải krao hơ vơn

Đơ\ng dôm năr blu\ng, binh nhất Nguyễn Trung Hải hơ nơ\ng adrin pơ tâp pơ hrăm, jang đang ‘lơ\ng tơ drong jang đei pơ jao. Tôm 2 sơ năm pơm linh, ‘nho\ng đei khul kơ dră pơ gơ\r ăn năm ho\k pơm linh tơ pă tơ\ plt Đà Nẵng. Ho\k đang, hơ tuch sơ năm 2006, ‘nho\ng đei ăn năm jang tơ\ Khul krao hơ vơn kon pơ lei găh An^h che\p kơ\l pơ gơ\r khul linh apu\ng Cư M'gar.

Trung úy Nguyễn Trung Hải ăn tơ băt, bơ\ jang krao hơ vơn kon pơ lei kơ na kơ dih kâu ‘nho\ng oei xa kơ jăp hăm kon pơ lei, băt hơ dăh dôm tơ drong mơ mat tat đơ\ng kon pơ lei. Kiơ\ đơ\ng no\h. ‘nho\ng băt lơ unh hnam tơ\ tơ ring arih xa tôch mơ mat. Đơ\ng âu, ‘nho\ng đei đon tơ che\ng chă trong jang hơ doi hăm dôm khul gru\p jang tơ gu\m, bơ ngai đei đon ‘lơ\ng tơ\ dôm plt Hồ Chí Minh, Hà Nội păng dôm dêh char ju\m dăr krao hơ vơn đe vang tơ gu\m ăn. Đơ\ng ro\ng lơ sơ năm bơ\ jang, truh dang ei, lơ bơ ngai ưh pu\n ai, unh hnam mơ mat tat, ho\k tro tơ nuh đei đe tơ gu\m ăn.

Hơ păh jên ăn bơ ngai j^ tơ nuh tơ\ apu\ng Cư M'gar.

‘Nho\ng pơ ma truh bơ ngai ‘nao hlo\h j^ klo kăn tơ\ xăh Ea M'roh, apu\ng Cư M'gar ưh đei jên hơ met j^, đei ‘nho\ng krao hơ vơn tơ pôl vang tơ gu\m ăn: "Đei 1 unh hnam tôch mơ mat tơ\ plei Cháy xăh Ea M'roh-apu\ng Cư M'gar, klo sư j^ plei nuih đunh sơ năm bơih, kăn sư ưh đei tơ drong jang păng rong dơ\ng 3 ‘nu kon hơ ‘lơ\p. {ât blu\ng khei 5/2019, klo sư lôch tơ\ Hnam pơ gang Chợ Rẫy plt Hồ Chí Minh mă lei ưh đei jên vă kla ăn hnam pơ gang păng gre chơ hơ kâu klo sư vih. Băt tơ drong ‘nâu, inh krao hơ vơn rim bơ ngai vang tơ gu\m lơ\m mang. Đơ\ng ro\ng dang 2-3 năr, kơ so# jên io\k đei hlo\h 80 triu, inh io\k păng pơ jao ăn kăn sư vă hơ met năr ne# năn kâu păng kla hre adrol kơ ‘no\h. Inh vă hơ nơ\ng jang tơ drong ‘nâu mưh [ôh bơ ngai mơ mat tat păng krao hơ vơn mă tơ tom hlo\h dơ\ng vă tơ gu\m ăn rim bơ ngai.”

Yă Lê Thị Tơ, 64 sơ năm, tơ\ th^ trơ\n Quảng Phú, j^ 1 lơ\m 10 unh hnam mơ mat tat đei Trung úy Nguyễn Trung Hải krao hơ vơn tơ gu\m jên pơm hnam. Kiơ\ yă Tơ, tơ drong đei hnam ‘nao man kơ jăp ‘lơ\ng tơ plih ăn hnam tơ\r sơ so\ch adrol ki ‘no\h j^ tơ drong unh hnam ưh đei lai yơ pơ\n tơ che\ng truh. Kơ d^h kâu đ^ kră bơih, klo lôch hơ chăng, đei dơ\ng 1 ‘nu kon jo jăn, oei mir roh ‘no\h ưh kơ đei. Tơ drong arih xa kơ unh hnam gơ nơm đơ\ng jên chă jang ăn kơ đe đơ\ng klo kăn kon kơ dră đe\ch.

Yă Tơ tôch hơ iă pơ ma: Io\k đei hnam xă hlo\h 70 m2 đơ\ng [ô đo#i Hải krao hơ vơn đe vang tơ gu\m ‘no\h j^ tơ drong hơ iă hlo\h kơ yă: "Adrol ki oei lơ\m hnam tơ\ so so\ch, me\ kon te\p ưh kơ su\k kiơ, mưh ‘mi ‘no\h hnam hnăt jâp jang, hli kơ sư păk ưh kơ tom băt. Đơ\ng ro\ng kơ ‘no\h gơ nơm đei ma Hải pơm linh, chông ba 1 khul tang măt ăn công ty truh tơ gu\m ăn unh hnam 75 triu vă man hnam. Dang ei hnam man đang bơih, kon sâu ưh pă pơ ngơ\t kiơ bơih, pôm adrin jang xa đe\ch."  

Trung tá Phạm Tuấn Khiêm, Bơ ngai jang Chinh tr^ tơ\ An^h che\p kơ\l pơ gơ\r khul linh apu\ng Cư M'gar ăn tơ băt, dôm sơ năm âu ki, ku\m hăm jang ‘lơ\ng tơ drong krao hơ vơn kon pơ lei tơ\ an^h jang, Trung úy Hải oei adrin vang bơ\ jang tơ gu\m do\ng ăn tơ pôl tơ\ tơ ring hai. Đơ\ng sơ năm 2010 truh dang ei, Trung úy Hải krao hơ vơn dôm bơ ngai đei đon ‘lơ\ng vang tơ gop man 10 to\ hnam ăn dôm unh hnam tơ nuh, unh hnam đei ko\ng; răt lơ hơ dre\ch ‘long, kon yo\ng nhen rơ mo, bơ be tơ gu\m ăn hlo\h 100 unh hnam mơ mat tat; hơ păh 200 kơ suơ\t jên ho\k [o\ng ăn ho\k tro tơ nuh ho\k rơ gei; hơ păh jên măt tơ gu\m ăn lơ bơ ngai j^ tơ nuh kla jên hơ met j^ tơ\ hnam pơ gang... Ako\m đ^ đăng kơ so# jên mong ako\m đei vă je# 3,5 ti hlj.

Đơ\ng kơ so# jên đe tơ gu\m, hlo\h 100 unh hnam tơ nuh đei hơ păh ăn hơ drech ‘long, kon yo\ng vă jang xa

Trung tá Phạm Tuấn Khiêm, pơ ma truh kơ linh sư thoi âu: "Hải j^ bơ ngai rơ gei, đei đon adrin ho\k pơ hrăm păng jang ‘lơ\ng tơ drong jang đơ\ng kơ pal pơ jao. Găh tơ drong krao hơ vơn kon pơ lei ‘nâu j^ tơ drong jang hơ iă hlo\h đơ\ng sư. ‘Ngoăih kơ chih [ai tơ roi tơ băt lơ\m [ăo, radio sư oei io\k yoa mang tơ pôl Facebook vă krao hơ vơn bơ ngai đei đon ‘lơ\ng tơ ra tơ gop tơ gu\m ăn bơ ngai tơ nuh tơ\ tơ ring păng đei tơ pôl tơ\ tơ ring tơ che\ng ‘lơ\ng."

Hăm dôm tơ drong adrin mưh bơ\ jang, Trung úy Nguyễn Trung Hải đei An^h che\p kơ\l pơ gơ\r khul linh dêh char Dak Lak, Quân khu V hơ păh ăn lơ tơ mam kăp g^t. Hơ dai hăm ‘no\h, ‘nho\ng oei đei Jơ nu\m ‘long pơ glang [rê apu\ng Cư M'gar pôk pơ ư 5 sơ năm tơ til hloi yoa dôm tơ drong jơ nei ‘lơ\ng lơ\m tơ drong jang tơ gu\m ăn bơ ngai tơ nuh tơ\ tơ ring. Mă lei, hăm Trung úy Hải, tơ drong hơ iă hlo\h đơ\ng ‘nho\ng ‘no\h đei bôl boăl, kơ tum kơ to\ng ‘nho\ng o\h ‘mêm, lui kiơ\; ‘no\h j^ gơng tơ [ưh ăn dôm bơ ngai đei đon ‘lơ\ng păng dôm bơ ngai ưh pu\n ai, mơ mat tat lơ\m tơ drong arih xa.

Tuấn Long: Chih

Dơ\ng: Tơ blơ\